வாரிசு படத்தின் ஜிமிக்கி ஜிமிக்கி ஜிமிக்கி பொண்ணு பாடல் வீடியோ வெளியீடு!
தளபதி விஜய் நடிப்பில் திரைக்கு வந்த வாரிசு படத்தில் இடம் பெற்றுள்ள ஜிமிக்கி பொண்ணு பாடலின் வீடியோ வெளியாகியுள்ளது.
இயக்குநர் வம்சி இயக்கத்தில் குடும்பக் கதையை மையப்படுத்தி உருவாக்கப்பட்ட வாரிசு படம் பொங்கல் பண்டிகையை முன்னிட்டு திரைக்கு வந்தது. இந்தப் படத்தில் விஜய், ராஷ்மிகா மந்தனா, சரத்குமார், பிரகாஷ்ராஜ், சதீஷ், பிரபு, ஜெயசுதா, ஷாம், யோகி பாபு, சங்கீதா, நந்தினி, விடிவி கணேஷ், ஸ்ரீமன், சுமன், கணேஷ் வெங்கட்ராமன் என்று ஏராளமான பிரபலங்கள் நடித்திருந்தனர். பொங்கலுக்கு வந்தப் படம் தமிழில் மட்டுமின்றி தெலுங்கிலும் வரவேற்பு பெற்று வசூல் அள்ளியது.
இன்னும் திரையரங்குகளில் வெற்றிகரமாக ஓடிக் கொண்டிருக்கிறது. வாரிசு வெளியான 16 நாட்களில் இந்தியாவில் மட்டும் ரூ.193.94 கோடியும், வெளிநாடுகளில் 10.01 மில்லியன் டாலர்களும் உலகம் முழுவதும் மொத்தமாக ரூ.275.69 கோடியும் வசூல் அள்ளியுள்ளதாக தகவல் வெளியாகி உள்ளது. கூடிய விரைவில் ரூ.300 கோடி வசூல் கொடுத்த படங்களின் பட்டியலில் வாரிசு படமும் இணையும் என்று எதிர்பார்க்கப்படுகிறது.
தொடரும் வசூல் வேட்டை... நான்கு நாட்களில் ரூ.400 கோடி கலெக்ஷன் அள்ளிய ஷாருக்கானின் பதான்
வாரிசு படம் மட்டுமின்றி படத்தில் இடம் பெற்றுள்ள பாடல்களும் ரசிகர்களிடையே ஏக போக வரவேற்பு பெற்றது. ரஞ்சிதமே என்ற பாடல் பட்டி தொட்டியெங்கும் பரவி வைரலாகி வருகிறது. அதோடு ரீல்ஸ்க்கும் ரஞ்சிதமே பாடல் தான் பலருக்கும் பிடித்தமான ஒன்றாக கருதப்படுகிறது. இந்த நிலையில், படத்தில் இடம் பெற்றுள்ள மற்றொரு பாடலான ஜிமிக்கி பொண்ணு என்ற பாடலின் வீடியோ வெளியாகியுள்ளது என்பது குறிப்பிடத்தக்கது.
இதன் காரணமாக டுவிட்டரில் ஜிமிக்கி பொண்ணு (#JimikkiPonnu) என்ற பாடலின் ஹேஷ்டேக் டிரெண்டாகி வருகிறது.
