பாண்டிச்சேரி செய்திகள்

குடும்ப தலைவிகளுக்கு வழங்கப்படும் மகளிர் உதவித் தொகையானது வருகின்ற பிப்ரவரி மாதம் முதல் ரூ.1000க்கு பதிலாக ரூ.2500ஆக உயர்த்தி வழங்கப்படும் என முதல்வர் ரங்கசாமி அறிவித்துள்ளார்.

காரைக்காலில் நடைபெற்ற மலர் கண்காட்சி மற்றும் கார்னிவல் விழாவைத் தொடர்ந்து, மாணவர்களின் சிரமத்தைக் கருத்தில் கொண்டு இன்று ஒரு நாள் பள்ளி மற்றும் கல்லூரிகளுக்கு விடுமுறை அறிவிக்கப்பட்டுள்ளது. ஆனால் 10 மற்றும் 12ம் வகுப்பு தேர்வுகளுக்கு இது பொருந்தாது.

மாநிலத்தில் உள்ள 3.40 லட்சம் ரேசன் அட்டைதாரர்களுக்கும் ரூ.3.000 பொங்கல் பரிசுடன் ரூ.750 மதிப்பு கொண்ட பொங்கல் பொருட்கள் வழங்கப்படும் என அரசு அறிவித்துள்ளது.

2026 ஆம் ஆண்டு தேர்தலில் தாம் வெற்றி பெற்றால், புதுச்சேரியின் வளர்ச்சிக்காக ரூ.100 கோடி தமது சொந்த நிதியைச் செலவிடுவதாக லட்சிய ஜனநாயகக் கட்சியின் தலைவர் சார்லஸ் மார்ட்டின் உறுதியளித்தார்.

புதுச்சேரியைச் சேர்ந்த தாரகை ஆராதனா என்ற சிறுமி, கடல் தூய்மை மற்றும் பிளாஸ்டிக் கழிவு குறித்த விழிப்புணர்வை ஏற்படுத்த ஆழ்கடலில் பரதநாட்டியம் ஆடி உலகை வியக்க வைத்துள்ளார். 20 அடி ஆழத்தில் நிகழ்த்தப்பட்ட இந்த சாதனை பெரும் பாராட்டுகளைப் பெற்று வருகிறது.

புதுச்சேரியில் அண்மையில் மேற்கொள்ளப்பட்ட வாக்காளர் சிறப்பு தீவிர திருத்தப் பணிகள் காரணமாக உயிரிழந்தவர்கள், இடம் பெயர்ந்தவர்கள் உட்பட மொத்தமாக 85531 நபர்களின் பெயர்கள் வாக்காளர் பட்டியலில் இருந்து நீக்கப்பட்டுள்ளதாக தேர்தல் அதகாரி அறிவித்துள்ளார்.

புதுச்சேரியில், டெல்லி போலீஸ் அதிகாரி எனக்கூறி 'டிஜிட்டல் கைது' செய்வதாக மிரட்டிய மர்மநபர், ஒரு பெண்ணிடம் இருந்து ₹52 லட்சத்தை ஆன்லைனில் மோசடி செய்துள்ளார். இந்த புதிய வகை மோசடி குறித்து சைபர் கிரைம் போலீசார் விசாரணை நடத்துகின்றனர்.

டிட்வா புயல் காரணமாக தமிழகம் மற்றும் புதுச்சேரியில் கனமழை பெய்து பள்ளிகளுக்கு விடுமுறை அளிக்கப்பட்டது. இந்த விடுமுறையை ஈடுசெய்யும் விதமாக புதுச்சேரியில் நாளை பள்ளிகள் இயங்கும் என அறிவிக்கப்பட்டுள்ளது. இதேபோன்ற அறிவிப்பு தமிழகத்திலும் வெளியாகலாம்.

தகுதியுள்ள அனைத்து ரேஷன் அட்டைதாரர்களுக்கும் ரூ.750 மதிப்புள்ள பொங்கல் பரிசுத் தொகுப்பை அறிவித்துள்ளது. இந்த தொகுப்பில் பச்சரிசி, நாட்டு சர்க்கரை, நெய் உள்ளிட்ட 6 அத்தியாவசியப் பொருட்கள் அடங்கும். இந்த பரிசு தொகுப்பு ஜனவரி 3 முதல் விநியோகம்.

தமிழக வெற்றிக் கழக தலைவர் விஜய், புதுச்சேரியில் தனது அரசியல் பயணத்தை தொடங்கி, திமுக மற்றும் ஒன்றிய அரசுகளை விமர்சித்தார். தவெக தலைவர் விஜயின் இந்த பேச்சு அரசியல் வட்டாரங்களில் பரபரப்பை கிளப்பியுள்ளது.