எங்கள் சொத்து இல்லை என்று திமுக அமைச்சர்கள் சொல்லவே இல்லையே - எகிறி அடிக்கும் அண்ணாமலை

திருச்சி சர்வதேச விமான நிலையத்தில் பாரதிய ஜனதா கட்சியின் மாநில தலைவர் அண்ணாமலை செய்தியாளர்களை சந்தித்து பேசினார். அப்போது பேசிய  அவர், “  ஊழல் என்று வந்த பின்னர் நண்பர்கள் அண்ணன் தம்பி என்றெல்லாம் பார்க்க கூடாது. தமிழகத்தில் ஒரு சாதாரண மனிதன் கூட ஊழல் பட்டியலை தெரிந்து கொள்ள வேண்டும் என்று எண்ணுகிறான்.

எங்களுக்கு இங்கே யாரும் பங்காளிகள் கிடையாது -  எங்களுக்கு எல்லோருமே பகையாளிகள் தான் - யார் ஊழல் செய்திருக்கிறார்களோ அவர்களை பாஜக பகையாளிகளாக தான் பார்க்கும். ரபேல் வாட்ச் சீரியல் நம்பர் மாறி உள்ளது என்கிற கேள்விக்கு பதில் அளித்த அண்ணாமலை, சாராயா அமைச்சர் சரக்கு போட்டு பேசி இருப்பார். 147 தான் என் வாட்ச் நம்பர் - மேடையில் படிக்கும் போது உடனே படித்துவிட்டேன் என்று கூறினார்.

திமுக பட்டியலில் நான் வாசித்தவாறு, எனக்கும் இந்த சொத்துக்கும் சம்பந்தம் இல்லை என்று திமுகவினர் இதுவரை ஒருவர் கூட சொல்லவில்லை. கிட்டத்தட்ட 150 நிறுவனங்களை நாங்கள் சொல்லி உள்ளோம். நான் ஓனர் இல்லை என்று யாரும் சொல்லவில்லை. அன்பில் மகேஷ் - உதயநிதி ஸ்டாலிணும் நோபில் ஸ்டீலில் நேரடியாக உள்ளார்கள். நோபல் ஸ்டீல் கம்பேனியின் டேரக்கடாராக இல்லை என்று உதயநிதி இதுவரை கூறவில்லை.

மனி லாண்டரிங் செய்து முதல்வர் 1000ம் கோடி கொண்டு வந்தார் என்பது எனது நேரடி குற்றச்சாட்டு .ஆகும். சிபிஐயில் இது குறித்து கம்ப்ளைன்ட் செய்ய உள்ளோம்.  இங்கு ஒவ்வொரு அமைச்சர்களும் கிட்டத்தட்ட 10  பி.ஏக்களை வைத்திருக்கிறார்கள். 100 வேலை ஆட்களை வைத்திருந்தார்கள், அவர்களுக்கு சம்பளம் எப்படி வழங்குகிறார்கள் என்று கேள்வி எழுப்பினார். என்னுடைய பேங்க் ஸ்டேட்மெண்ட்டை 12 வருடமாக ஓப்பனாக நான் கொடுத்துள்ளேன். 

என்னுடைய மூன்று பிஏக்கு சம்பளம் எனது நண்பர்கள் அளிக்கிறார்கள். SWIGGYல் நான் சாப்பிடுவது உள்ளிட்ட பில்லை கூட என்னால் காட்ட முடியும்.ஒரு நாள் உங்களின் பேப்பரை காட்டுங்கடா பார்ப்போம். 2024 பாராளுமன்ற தேர்தல் என்பது முழுக்க முழுக்க ஊழலை மையமாக வைத்து தான் இருக்கும். அடுத்த எட்டு மாசம் இன்னும் ரணகளமாக இருக்கும். defamation case வந்து கொண்டே இருக்கும்” என்று பேசினார்.

இதையும் படிங்க..அண்ணாமலை சொன்னதெல்லாம் பொய்.. பதறியடித்து போய் விளக்கம் கொடுத்த மெட்ரோ ரயில் நிர்வாகம்

இதையும் படிங்க..19 வயசு தான் ஆகுது.. கல்லூரியில் கர்ப்பத்தை கலைக்க முயன்ற மாணவிக்கு ஏற்பட்ட விபரீதம்