Video : அரசு வேலை வாய்ப்பில் ஆணழகன் துறையை இணைக்க வேண்டும்! - ஆணழகன்கள் கோரிக்கை!
விளையாட்டு துறைக்கான வேலைவாய்ப்பில் ஆணழகன் துறையை இணைக்க வலியுறுத்தி நூதனமான முறையில் ஆணழகன்கள் மனு கொடுத்தனர்.
Followதமிழக அரசின் மூன்று சதவீத இட ஒதுக்கீட்டின் கீழ் ஆணழகன் துறையை இணைக்க தமிழக முதல்வரின் கவனத்திற்கு கொண்டு செல்ல வேண்டும் என மதுரை நாடாளுமன்ற உறுப்பினர் சு வெங்கடேசன் கோரிக்கை மனு அளித்த மதுரை ஆணழகன் சங்க நிர்வாகிகள்.
தமிழ் நாட்டில் ஆணழகன் துறையில் மாநில அளவில் மற்றும் தேசிய அளவு மற்றும் சர்வதேச அளவிலான போட்டிகளில் வெற்றி பெற்ற ஆணழகங்கள் மத்திய அரசின் கீழ் வரும் ரயில்வே துறை தபால் துறை வருமானவரித்துறை ராணுவ முப்படைகளின் துறையிலும் நூற்றுக்கும் மேற்பட்டோர் வேலை வாய்ப்பு பெற்றுள்ளனர். இதே போல் தமிழக அரசு விளையாட்டு துறைக்கான மூன்று சதவீத இட ஒதுக்கீட்டில் ஆணழகன் துறையையும் இணைக்க தமிழக முதல்வரிடம் வலியுறுத்த வேண்டி மதுரை பாராளுமன்ற உறுப்பினர் சு வெங்கடேசன் இடம் மனு அளித்தனர். இதில் கடந்த வாரம் மதுரை ஆணழகனாக தேர்ந்தெடுக்கப்பட்ட மாரீஸ்வரன் மற்றும் ஆணழகன் பயிற்சியாளர்கள் சென்று மனு அளித்தனர்.
இதில் வந்திருந்த ஆணழகன்கள் MP முன்னிலையில் மினி ஆணழகன் போட்டி நடத்தி மனு அளித்தது அனைவரையும் வெகுவாக கவர்ந்தது.
