144 பயணிகளின் உயிரைக் காப்பாற்றிய ஹீரோ விமானி; வைரலாகும் வீடியோ!
Trichy Airport Pilots : திருச்சியில் 144 பயணிகளின் உயிரை பத்திரமாக மீட்டு ஹீரோக்களாக மாறி உள்ள இரு விமானிகள் வீடியோ தற்பொழுது இணையத்தில் வைரலாகி வருகிறது.
இன்று திருச்சி விமான நிலையத்தில் நடந்த சம்பவம் விமானிகளை பொறுத்த வரை இயல்பான ஒன்று தான் என்றாலும், மிக அரிதாக நடக்கும் இந்த நிகழ்வு மிகப்பெரிய அளவில் பரபரப்பை ஏற்படுத்தியது குறிப்பிடத்தக்கது. விமானத்தின் சக்கரங்கள் சரிவர இயங்காத நிலையில், சார்ஜா நாட்டுக்கு செல்லாமல் துரிதமாக செயல்பட்ட விமானிகள், மீண்டும் திருச்சி விமான நிலையத்திற்கு திரும்பி, அதன் வான் பகுதியிலேயே சுமார் 2 மணி நேரம் வட்டமிட்டு எரிபொருளை தேவையான அளவு குறைத்துள்ளார்.
பிறகு 144 பயணிகளையும் சாதுரியமாக ஒரு சிறு காயம் கூட இல்லாமல் மிகவும் பத்திரமாக தரையிறக்கி அவர்களுடைய குடும்பங்களின் மனங்களை மகிழ்ச்சியில் ஆழ்த்தி இருக்கின்றனர். டேனியல் என்கின்ற அந்த பைலெட்டுக்கும், அவருடைய சக பெண் விமானிக்கும் இப்போது வாழ்த்துக்கள் குவிந்து வருகிறது. விமான நிலையத்திலிருந்து புறப்பட்ட அவர்களுடைய வீடியோ இப்போது வைரல் ஆகி வருகிறது.
