விஜய் சேதுபதி வசனம் வெடிக்குதே... விமல் நடிப்பில் அண்ணன் - தங்கை பாசத்தை வெளிப்படுத்தும் 'குலசாமி' ட்ரைலர்!

இயக்குனர் 'குட்டிப்புலி' சரவணன் சக்தி இயக்கத்தில், நடிகர் விமல் ஹீரோவாக நடித்துள்ள திரைப்படம் குலசாமி. இந்த படத்தில் தன்யா ஹோப் கதாநாயகியாக நடித்துள்ளார். மேலும் முக்கிய கதாபாத்திரத்தில் குட்டி புலி சரவண சக்தி, வினோதினி ,கர்ணராஜா, மகாநதி சங்கர், முத்துப்பாண்டி, ஜெயசூர்யா, லாவண்யா, போன்ற பலர் நடித்துள்ளனர்.

மைக் ப்ரொடக்சன் தயாரிப்பில் இப்படம் உருவாகியுள்ளது. இந்த படத்திற்கு மக்கள் செல்வன் விஜய் சேதுபதி டயலாக் எழுதியுள்ளார். மேலும் இப்படத்திற்கு ஜீ ஸ்டார் மகாலிங்கம் இசையமைத்துள்ளார். ஆக்ஷன், சென்டிமெண்ட், காதல், திரில் என அனைத்து கலந்த கதை அம்சத்துடன் இப்படம் உருவாகியுள்ளது. இந்நிலையில் இந்த படத்தின் டிரைலர் தற்போது வெளியாகி ரசிகர்கள் மத்தியில் நல்ல வரவேற்பை பெற்றுள்ளது.