நீக்கப்பட்ட காட்சிகளுடன்... பொன்னியின் செல்வன் படத்தின் ‘அலைகடல்’ பாடலின் முழு வீடியோ வெளியானது
பொன்னியின் செல்வன் படத்தில் இடம்பெறும் அலைகடல் என்கிற பாடலின் முழு வீடியோவை படக்குழு தற்போது வெளியிட்டுள்ளது.
மணிரத்னம் இயக்கத்தில் வெளியாகி பாக்ஸ் ஆபிஸில் ரூ.500 கோடிக்கு மேல் வசூலித்த பொன்னியின் செல்வன் திரைப்படத்தில் இடம்பெற்ற அலைகடல் பாடல் வீடியோ வெளியிடப்பட்டு உள்ளது. படத்தின் நீளத்தை கருத்தில் கொண்டு இப்பாடலின் சில காட்சிகளை நீக்கி படத்தில் பாதி மட்டுமே இடம்பெற்று இருந்தது.
இந்நிலையில், தற்போது நீக்கப்பட்ட காட்சிகளுடன் கூடிய அலைகடல் பாடலின் முழு வீடியோவையும் பொன்னியின் செல்வன் படக்குழு வெளியிட்டுள்ளது. ஏ.ஆர்.ரகுமான் இசையமைத்த இப்பாடலை அந்தாரா நந்தி பாடி இருந்தார். இப்பாடல் வரிகளை சிவா ஆனந்த் எழுதி இருந்தார். ரவி வர்மணின் பிரம்மிப்பூட்டும் காட்சியமைப்பில் உருவாகி உள்ள இப்பாடலின் வீடியோ சமூக வலைதளங்களில் வைரலாகி வருகிறது.
