டாஸ்மாக்க தொறந்து வச்சுக்கிட்டு.. குடிக்கிறவன தப்பு சொல்றாங்க - குரு சோமசுந்தரம் கலக்கும் "பாட்டல் ராதா" டீசர்
Guru Somasundaram : நடிப்பு பள்ளியில் பயின்று, மேடை நாடகங்களில் அசத்தி, இன்று மிகசிறந்த குணச்சித்திர நடிகரை வலம்வரும் குரு சோமசுந்தரம் மீண்டும் ஹீரோவாக களமிறங்கியுள்ளார்.
Followகூத்துப்பட்டறை மாணவனாக தனது கலை பயணத்தை தொடங்கி, அதன் பிறகு பல மேடை நாடகங்களில் நடித்து புகழ் பெற்று, கடந்த 2011ம் ஆண்டு இயக்குனர் தியாகராஜன் குமாரராஜா இயக்கத்தில் வெளியான "ஆரண்ய காண்டம்" என்கின்ற திரைப்படத்தின் மூலம் கலை உலகில் தனது பயணத்தை தொடங்கியவர் தான் குரு சோமசுந்தரம்.
இப்போது தமிழ், மலையாளம் மற்றும் தெலுங்கு உள்ளிட்ட மொழிகளின் பல திரைப்படங்களில் நல்ல கதாபாத்திரங்களை ஏற்று நடித்து வருகிறார்கள். இவர் நடிக்கும் எந்த ஒரு திரைப்படமாக இருந்தாலும், அதில் தன்னுடைய கதாபாத்திரம் தனித்துவமாக தெரியும் வண்ணம் தனது நடிப்பை வெளிப்படுத்தும் திறமை கொண்டவர் குரு சோமசுந்தரம்.
இறுதியாக இந்த 2024 ஆம் ஆண்டு வெளியாகவுள்ள "பயமறியா பிரம்மை" என்கின்ற திரைப்படத்தில் நடித்துள்ள குரு சோமசுந்தரம். தற்பொழுது பிரபல இயக்குனர் பா ரஞ்சித் அவர்கள் வழங்கும், "பாட்டல் ராதா" என்கின்ற திரைப்படத்தில் முன்னணி கதாபாத்திரம் ஏற்று நடித்துள்ளார். சேன் ரோல்டன் இசையில், தினகரன் சிவலிங்கம் என்பவருடைய இயக்கத்தில் இந்த திரைப்படம் உருவாகியுள்ளது.
விரைவில் திரையரங்குகளில் இந்த திரைப்படம் வெளியாகவுள்ள நிலையில் தற்போது இந்த படத்தின் டீசர் வெளியாகி மக்கள் மத்தியில் வெகுவான வரவேற்பு பெற்று வருகிறது.
