Jr NTR : பாலிவுட் உலகில் கால்பதிக்கும் ஜூனியர் NTR.. குஷியில் அவர் Fans - மிரட்டலாக துவங்கிய War 2 பட பணிகள்!
Jr NTR in WAR 2 : மிகப்பெரிய கலைக்குடும்பத்தில் இருந்து வந்தவர் தான் ஜூனியர் என்.டி.ஆர், RRR படத்துக்கு பிறகு இவர் இந்திய சினிமா ரசிகர்களால் ரசிக்கப்படும் ஹீரோவாக மாறியுள்ளார் என்றால் அது மிகையல்ல.
Followபிரபல இயக்குனர் ராஜா மௌலி இயக்கத்தி வெளியான 'RRR’ படம் மூலம் பான் இந்திய ரசிகர்களின் மனதைக் கவர்ந்த நடிகர் ஜூனியர் என்.டி.ஆர். இப்போது பாலிவுட்டிலும் மாஸாக அறிமுகமாகிறார். பாலிவுட் நடிகர் ஹிருத்திக் ரோஷன் மற்றும் டைகர் ஷெராஃப் நடிப்பில் கடந்த 2019ம் ஆண்டு 'வார்' என்ற திரைப்படம் வெளியானது.
இதன் சீக்வல் படமான 'வார் 2' படத்தின் படப்பிடிப்பு விறுவிறுப்பாக நடந்து வருகிறது. இந்தப் படத்தின் மூலம் தான் ஜூனியர் என்டிஆர் பாலிவுட்டில் அறிமுகமாகிறார். அதுவும் பாலிவுட்டில் தனது முதல் படத்திலேயே வில்லனாக நடிக்கிறார் அவர் என்று தகவல்கள் வெளியாகியுள்ளது.
ஒய்ஆர்எஃப் ஸ்பை யுனிவர்ஸின் (YRF Spy Unvierse) ஒரு பகுதியாக ‘வார்2’ திரைப்படம் இருக்கும். இதில் ஜூனியர் என்.டி.ஆருக்கான படப்பிடிப்புத் தற்போது தொடங்கியுள்ளது. இதற்காக, அவர் மும்பை வந்துள்ளார். மேலும், ஜூனியர் என்.டி.ஆரை வரவேற்கு விதமாக படத்தில் இருந்து மாஸான அவரின் முதல் தோற்றமும் வெளியிடப்பட்டது. இந்தப் படத்தை அயன் முகர்ஜி இயக்குகிறார். இதில் கியாரா அத்வானியும் நடிக்கிறார். படம் 14, ஆகஸ்ட் 2025ல் வெளியாகிறது.
