அசிங்கப்படுத்தப்படும் ஃபுட் டெலிவரி பாய் ..! சைக்கோவாக மாறுகிறாரா? அர்ஜுன் தாஸின் 'அநீதி' ட்ரைலர்!
இயக்குநர் ஷங்கர் தயாரிப்பில், வசந்த பாலன் இயக்கியுள்ள 'அநீதி' திரைப்படத்தின் டிரெய்லர் வெளியாகி நல்ல வரவேற்பை பெற்று வருகிறது.
தேசிய விருது பெற்ற இயக்குநர் G.வசந்த பாலன், நடிகர் அர்ஜுன் தாஸை ஹீரோவாக வைத்து இயக்கியுள்ள திரைப்படம் 'அநீதி'. தமிழ் மற்றும் தெலுங்கு ஆகிய இரு மொழிகளில் வெளியாக உள்ள இந்த படத்தில் அர்ஜுன் தாஸ்க்கு ஜோடியாக துஷாரா விஜயன் நடித்துள்ளார். இப்படத்தின் தெலுங்கு பதிப்பிற்கு 'பிளட் அண்டு சாக்லேட்' என்று பெயரிடப்பட்டுள்ள நிலையில், இரண்டு மொழிகளிலும் ஒரே சமயத்தில் ஜூலை 21 அன்று உலகெங்கும் உள்ள திரையரங்குகளில் பிரமாண்டமான முறையில் வெளியாகிறது.
இப்படத்தின் புரோமோஷன் பணிகள் பரபரப்பாக சென்று கொண்டிருக்கும் நிலையில், தற்போது இப்படத்தின் ட்ரைலர் வெளியாகியுள்ளது. கடும் ட்ராபிக்கில்... உயிரை பணயம் வைத்து ஃபுட் டெலிவரி பாய்யாக வேலை செய்யும் ஒருவரை, செல்லும் இடமெல்லாம் அசிங்கப்படுத்தும் நிலையில், அவன் எப்படி சைக்கோவாக மாறுகிறார் என்பது பற்றி இப்படம் எடுக்கப்பட்டுள்ளதாக தெரிகிறது. தற்போது படத்தின் ட்ரைலர் வெளியாகி நல்ல வரவேற்பை பெற்று வருகிறது.
