என்னப்பா எங்கேயும் போகக்கூடாதா.!டெல்லி போனாலே ஸ்டாலின் பயப்படுகிறார்.! திமுகவை வம்பிழுத்த டிடிவி

வரவிருக்கும் 2026 தமிழக சட்டமன்றத் தேர்தலுக்கான தொகுதிப் பங்கீடு குறித்து எழும் யூகங்களுக்கு அம்மா மக்கள் முன்னேற்றக் கழகத்தின் பொதுச்செயலாளர் டி.டி.வி. தினகரன் அவர்கள் விளக்கம் அளித்துள்ளார். தேசிய ஜனநாயகக் கூட்டணியில் தாங்கள் கோரும் தொகுதிகளின் பட்டியல் ரகசியமானது என்றும், அது பொதுவெளியில் பகிரப்பட வேண்டிய அவசியமில்லை என்றும் அவர் தெளிவுபடுத்தினார். ஊடகங்களில் செய்திகள் வெளியாவது போல, தமது டெல்லி பயணம் தொகுதிப் பேச்சுவார்த்தைக்கானது அல்ல என்றும், மத்திய உள்துறை அமைச்சர் அமித் ஷா உள்ளிட்ட கூட்டணித் தலைவர்களைச் சந்திப்பது ஒரு வழக்கமான அரசியல் நடைமுறை என்றும் அவர் குறிப்பிட்டார். தமிழகத்திற்கான நிதி ஆதாரங்களைப் பெறுவதற்காகவே அவர் டெல்லி சென்றதாகக் கூறப்படும் புகார்களை மறுத்த தினகரன், தற்போதைய திமுக அரசிடம் கூடுதல் நிதி கிடைத்தால் அது முறையாகப் பயன்படுத்தப்படாமல் முறைகேடுகளுக்கே வழிவகுக்கும் என்று விமர்சித்தார். மேலும், பாஜாக தலைமையிலான தேசிய ஜனநாயகக் கூட்டணி மிகவும் ஒற்றுமையாக இருப்பதாகவும், நீட் தேர்வு மற்றும் ஈழத்தமிழர் விவகாரங்களில் திமுகவின் இரட்டை வேடத்தை மக்கள் உணர்ந்துள்ளதாகவும் அவர் சாடினார். தங்களது கூட்டணிக் பேச்சுவார்த்தைகள் சுமூகமாக முடிந்துவிட்ட நிலையில், தற்போது முழுவீச்சில் தேர்தல் பிரச்சாரத்தில் கவனம் செலுத்தி வருவதாக அவர் உறுதிபடத் தெரிவித்தார்