
மீன் வரத்து குறைவால் தவிக்கும் நாட்டுப்படகு மீனவர்கள்; மாற்று மீன்பிடி முறைக்கு அனுமதி கோரிக்கை !
உலக மீனவர் தினத்தை முன்னிட்டு தூத்துக்குடியில் செய்தியாளர்களிடம் பேசிய நாட்டுப்படகு மீனவர் சங்கத் தலைவர் வி.கே.மாரியப்பன், கடலில் மீன்வளம் வெகுவாகக் குறைந்து வருவதால் பாரம்பரிய மீனவர்களின் வாழ்வாதாரம் கடுமையாகப் பாதிக்கப்பட்டுள்ளதாகத் தெரிவித்துள்ளார். இதனால் ஏற்படும் பொருளாதார நெருக்கடிகளைச் சமாளிக்க, பாரம்பரிய மீனவர்கள் மாற்று மீன்பிடி முறைகளைப் பின்பற்றுவதற்குத் தமிழக அரசு உரிய அனுமதி வழங்க வேண்டும் என அவர் கோரிக்கை விடுத்துள்ளார். மேலும், நாட்டுப்படகு மீனவர்களின் வாழ்வாதாரத்தைப் பாதுகாக்க அரசு சிறப்புத் திட்டங்களைச் செயல்படுத்த வேண்டும் என்றும் அவர் வலியுறுத்தியுள்ளார்.