
திருப்பரங்குன்றம் தீபம் தீர்ப்பை வரவேற்று இனிப்புகள் வழங்கி பாஜகவினர் உற்சாக கொண்டாட்டம் !
திருப்பரங்குன்றம் மலை மீது கார்த்திகை தீபம் ஏற்றுவது தொடர்பாக உச்சநீதிமன்றம் பிறப்பித்த உத்தரவை வரவேற்று, தூத்துக்குடியில் பாஜக நிர்வாகிகள் மற்றும் தொண்டர்கள் உற்சாகக் கொண்டாட்டத்தில் ஈடுபட்டனர். பட்டாசுகளை வெடித்தும், பொதுமக்களுக்கு இனிப்புகளை வழங்கியும் அவர்கள் தங்களது மகிழ்ச்சியை வெளிப்படுத்தினர். இந்த நிகழ்வில் பங்கேற்ற பாஜக நிர்வாகிகள் இசக்கி துரை மற்றும் அன்னபூரணி பிள்ளை ஆகியோர் செய்தியாளர்களிடம் பேசுகையில், உச்சநீதிமன்றத்தின் இந்தத் தீர்ப்பு பக்தர்களின் நீண்டகால நம்பிக்கைக்கும் வழிபாட்டு உரிமைக்கும் கிடைத்த மாபெரும் வெற்றி எனத் தெரிவித்தனர்.