பக்தர்களுக்கு 3,000 இலவச ஆன்லைன் பாஸ்கள்; 80% பணிகள் நிறைவு - அமைச்சர் ரமேஷ் பேட்டி!

Share this Video

திருவண்ணாமலை அருணாசலேஸ்வரர் கோயிலில் நடைபெறவுள்ள திருக்கார்த்திகை தீபத் திருவிழா முன்னேற்பாடுகள் குறித்து, தமிழக இந்து சமய அறநிலையத்துறை அமைச்சர் ரமேஷ் அனைத்துத் துறை அதிகாரிகளுடன் ஆலோசனைக் கூட்டம் நடத்தி ஆய்வு செய்தார். பின்னர் செய்தியாளர்களிடம் பேசிய அமைச்சர், தீபத் திருவிழாவுக்கான 80 சதவீதப் பணிகள் நிறைவடைந்துள்ளதாகவும், வரும் 21-ஆம் தேதிக்குள் எஞ்சிய பணிகள் அனைத்தும் முடிக்கப்படும் என்றும் தெரிவித்தார். உள்ளூர் மற்றும் வெளிமாவட்ட பக்தர்களின் வசதிக்காக இந்த ஆண்டு இணையதளம் மூலமாக 3,000 இலவச பாஸ்கள் குலுக்கல் முறையில் வழங்க ஏற்பாடு செய்யப்பட்டுள்ளதாகக் கூறினார். மேலும், சுமார் 50 முதல் 60 லட்சம் பக்தர்கள் வருவார்கள் என எதிர்பார்க்கப்படுவதால், கிரிவலப் பாதையில் ஒவ்வொரு 500 மீட்டருக்கும் மருத்துவ முகாம், காவல் உதவி மையம் அமைக்கப்பட்டுள்ளதோடு, சிசிடிவி மற்றும் ட்ரோன் கேமராக்கள் மூலம் 24 மணி நேரமும் கண்காணிக்க சிறப்புக் கட்டுப்பாட்டு அறை (War Room) அமைக்கப்பட்டுள்ளதாகவும் அவர் விளக்கமளித்தார்.

Related Video