திருவண்ணாமலையில் சுற்றுச்சூழல் விழிப்புணர்வு: ஒரே நாளில் 1.5 லட்சம் பனை விதைகள் நடும் இயக்கம் !
திருவண்ணாமலை மாவட்டத்தில் சுற்றுச்சூழல் பாதுகாப்பு மற்றும் பனை மரங்களைப் பெருக்கும் நோக்கில், ஒரே நாளில் 1.5 லட்சம் பனை விதைகளை நடும் பிரம்மாண்ட இயக்கம் நடைபெற்றது. மாவட்ட ஆட்சியர் வந்தனா கார்க் இந்த மரக்கன்று நடும் திட்டத்தை முறைப்படி தொடங்கி வைத்தார். மாவட்டத்தின் பல்வேறு பகுதிகளில் நடைபெற்ற இந்த இயற்கை பாதுகாப்பு இயக்கத்தில் அரசு அலுவலர்கள், தன்னார்வலர்கள் மற்றும் பொதுமக்கள் பெருமளவில் கலந்து கொண்டு பனை விதைகளை நட்டனர். பனை மரங்களின் முக்கியத்துவம் மற்றும் மண் வளத்தைப் பாதுகாப்பது குறித்த விழிப்புணர்வை ஏற்படுத்தும் வகையில் இந்த நடவடிக்கை மேற்கொள்ளப்பட்டுள்ளது.
