குடும்பத்தினருக்கு மட்டுமே பதவியா? எதிர்க்கட்சிகளை வெளுத்து வாங்கிய சரத்குமார்

சென்னையில் நடைபெற்ற செய்தியாளர் சந்திப்பில் பேசிய பாஜகவைச் சேர்ந்த நடிகர் சரத்குமார், தமிழக அரசு மற்றும் திமுக மீது கடுமையான விமர்சனங்களை முன்வைத்தார். தமிழகத்தின் நிதிநிலை மோசமடைந்து வருவதாகக் குறிப்பிட்ட அவர், மாநிலத்தின் கடன் சுமை குறித்து முதலமைச்சர் ஸ்டாலின் ஒரு 'வெள்ளை அறிக்கை' வெளியிட வேண்டும் என்று வலியுறுத்தினார். திமுக அரசுக்கு ஊழல் மட்டுமே தெரியும் என்று சாடிய அவர், தேர்தல் வாக்குறுதிப்படி மாணவர்களின் கல்வி கடனை ஏன் இன்னும் ரத்து செய்யவில்லை என்ற கேள்வியையும் எழுப்பினார். மேலும், திமுகவில் வாரிசு அரசியல் ஆதிக்கம் செலுத்துவதைச் சுட்டிக்காட்டிய அவர், தனது குடும்ப உறுப்பினர்களைத் தவிர வேறு ஒருவரை முதலமைச்சர் ஆக்க திமுக முன்வருமா என்று சவால் விடுத்தார்.