முதல்வருடன் செஸ் விளையாட்டு, ₹50 லட்சம் ஊக்கத்தொகை ! பிரக்ஞானந்தா செய்தியாளர் சந்திப்பு
சமீபத்தில் நடைபெற்ற நார்வே செஸ் தொடரில் வெற்றி பெற்ற இந்திய செஸ் கிராண்ட்மாஸ்டர் ரமேஷ்பாபு பிரக்ஞானந்தா, தமிழக முதல்வர் தங்களை நேரில் சந்தித்துப் பாராட்டியதுடன், தனுடன் செஸ் விளையாடியது மிகுந்த ஆச்சரியத்தையும் மகிழ்ச்சியையும் அளித்ததாகத் தெரிவித்தார். இந்தத் தொடரின் முதல் பாதி சற்று தொய்வாக இருந்தாலும், இரண்டாம் பாதியில் கடின உழைப்பின் மூலம் சிறப்பான ஆட்டத்தை வெளிப்படுத்தியதாகக் குறிப்பிட்ட அவர், முதல்வர் தமக்கு ₹50 லட்சம் ஊக்கத்தொகை வழங்கியதற்கும், விளையாட்டிற்கு அளித்து வரும் தொடர் ஆதரவிற்கும் தனது நன்றியைத் தெரிவித்துக் கொண்டார். மேலும், முதல்வருடன் செஸ் விளையாடிய தருணம் முற்றிலும் எதிர்பாராத ஒன்று என்றும், அந்தப் போட்டியில் தான் வெற்றி பெற்றாலும் முதல்வர் இவ்வளவு சிறப்பாக விளையாடுவார் என்று தான் நினைக்கவில்லை எனவும் நெகிழ்ச்சியுடன் கூறினார். தமிழக அரசின் சிறப்பான ஆதரவாலும், 'எலைட்' போன்ற திட்டங்களாலும் மாநிலத்தில் செஸ் விளையாட்டு மிக வேகமாக வளர்ந்து வருவதாகப் பெருமிதம் கொண்ட பிரக்ஞானந்தா, செய்தியாளர் சந்திப்பின் போது தான் வென்ற கோப்பையையும் ஊடகங்களிடம் காண்பித்தார்.
