எழும்பூரில் ரயில் மறியல் போராட்டத்தில் ஈடுபட்ட 'மக்கள் அதிகாரம்' அமைப்பினர் அதிரடி கைது!
சென்னை எழும்பூர் ரயில் நிலையத்தில் 'மக்கள் அதிகாரம்' அமைப்பைச் சேர்ந்த நிர்வாகிகள் மற்றும் உறுப்பினர்கள் திடீர் ரயில் மறியல் போராட்டத்தில் ஈடுபட்டனர். இந்தியத் தலைமை தேர்தல் ஆணையர் ஞானேஷ் குமார் உடனடியாகத் தனது பதவியை ராஜினாமா செய்ய வேண்டும் என வலியுறுத்தி அவர்கள் முழக்கங்களை எழுப்பினர். போராட்டத்தில் ஈடுபட்டவர்கள் தண்டவாளத்தை முற்றுகையிட முயன்றதால் ரயில் நிலையத்தில் பெரும் பரபரப்பு ஏற்பட்டது. பாதுகாப்புப் பணியில் இருந்த காவல்துறையினர் போராட்டத்தில் ஈடுபட்ட உறுப்பினர்களைத் தடுத்து நிறுத்தி, அவர்களை அதிரடியாகக் கைது செய்து அழைத்துச் சென்றனர்.
