மாகரல், ஆர்பாக்கம் கிராமங்களில் தொடர் மழை: காஞ்சிபுரத்தில் குளிர்ந்த வானிலை !
காஞ்சிபுரம் மாவட்டம் வாலஜாபாத் மற்றும் அதனைச் சுற்றியுள்ள மாகரல், ஆர்பாக்கம் உள்ளிட்ட கிராமப் பகுதிகளில் பலத்த கனமழை பெய்தது. கடந்த சில நாட்களாக நிலவி வந்த வெப்பமான சூழலுக்குப் பிறகு பெய்த இந்த மழையால் அப்பகுதியில் வெப்பம் தணிந்து இதமான வானிலை நிலவுகிறது. இந்த திடீர் கனமழையால் நிலத்தடி நீர்மட்டம் உயரும் என்பதோடு, பயிர்களுக்கும் மிகவும் நன்மை பயக்கும் என்பதால் அப்பகுதி விவசாயிகளும் பொதுமக்களும் மிகுந்த மகிழ்ச்சியடைந்து மழையை வரவேற்றுள்ளனர்.
