பாஜக சார்பில் பிரம்மாண்ட ரங்கோலி மற்றும் இருசக்கர வாகன ஓட்டிகளுக்கு இலவச ஹெல்மெட்!
பாரதிய ஜனதா கட்சியின் சார்பில் நாடு முழுவதும் கடைப்பிடிக்கப்பட்டு வரும் 'சேவா சங்கல்ப்' அபியானின் ஒரு பகுதியாக, திருப்பூர் வடக்கு மாவட்ட பாஜக சார்பில் விழிப்புணர்வு நிகழ்ச்சி நடத்தப்பட்டது. இந்நிகழ்ச்சியில், மத்திய அரசு மற்றும் பிரதமர் நரேந்திர மோடி திருப்பூர் மாவட்டத்திற்கு வழங்கிய நலத்திட்டங்கள், நிதியுதவிகள் மற்றும் வளர்ச்சிப் பணிகளை விளக்கும் வகையில் 8,000 சதுர அடி பரப்பளவில் பிரம்மாண்ட ரங்கோலி ஓவியம் வரையப்பட்டிருந்தது. மேலும், பாதுகாப்பு விழிப்புணர்வை வலியுறுத்தும் வகையில், தலைக்கவசம் (ஹெல்மெட்) அணியாமல் வந்த 75 இருசக்கர வாகன ஓட்டிகளை அடையாளம் கண்டு அவர்களுக்கு இலவசமாக ஹெல்மெட்டுகள் வழங்கப்பட்டன. இந்நிகழ்ச்சியில் பாஜக முக்கிய தலைவர்கள், நிர்வாகிகள் மற்றும் பொதுமக்கள் திரளாகக் கலந்துகொண்டனர்.
