கடவுளறிய ஈபிஎஸ்.. புன்னகையுடன் விஜய்: தமிழக அரசியலின் புதிய அத்தியாயம் !
தமிழக அரசியலில் ஒரு வரலாற்றுத் தருணமாக, தமிழக முதல்வராகப் பொறுப்பேற்றுள்ள விஜய் முன்னிலையில், அதிமுக சட்டமன்ற உறுப்பினராக எடப்பாடி பழனிசாமி ‘கடவுளறிய’ உறுதிமொழி எடுத்துக்கொண்டார். சட்டப்பேரவையில் தனது இருக்கையில் இருந்து வந்த எடப்பாடி பழனிசாமி, அவருடைய அரசியல் குருவான மறைந்த முன்னாள் முதல்வர் ஜெயலலிதாவின் புகைப்படத்தை நோக்கி வணங்கியபடி சென்றார். மிகுந்த உணர்ச்சிகரத்துடன் அவர் உறுதிமொழி எடுத்தபோது, தற்செயலாகவோ அல்லது திட்டமிட்டோ முதல்வர் விஜய்யின் பக்கம் தன் பார்வையைத் திருப்பவில்லை. இருப்பினும், எடப்பாடி பழனிசாமி ஆவேசமாகவும் உறுதியாகவும் பிரமாணத்தை வாசித்த அந்த நிமிடம் முழுவதும், முதல்வர் விஜய் முகத்தில் ஒரு மெல்லிய புன்னகையுடன் அதனை அமைதியாக ரசித்துக் கொண்டிருந்தார். இரு துருவ அரசியல் தலைவர்களின் இந்த நுட்பமான உடல்மொழி சமூக வலைதளங்களில் பெரும் விவாதத்தை ஏற்படுத்தியுள்ளது.
