ஆசிய விளையாட்டுப் போட்டியில் சாதனை படைத்த வித்யா ராம்ராஜிற்கு உற்சாக வரவேற்பு!
ஆசிய விளையாட்டுப் போட்டியில் தடகளப் பிரிவில் பி.டி. உஷாவின் 39 ஆண்டு கால தேசிய சாதனையைச் சமன் செய்து, 3 பதக்கங்களை வென்று சாதனை படைத்த தமிழக வீராங்கனை வித்யா ராம்ராஜ் கோவைக்குத் திரும்பினார். அவருக்கு விமான நிலையத்தில் பொதுமக்கள் மற்றும் விளையாட்டு ஆர்வலர்கள் உற்சாக வரவேற்பு அளித்தனர். செய்தியாளர்களிடம் பேசிய அவர், "தேசிய சாதனையை முறியடித்து நாட்டிற்கும் தமிழகத்திற்கும் பெருமை சேர்த்தது மிகுந்த மகிழ்ச்ச அளிக்கிறது. பயிற்சிக்கும் போட்டிகளுக்கும் தென்னக ரயில்வே, தமிழக அரசு மற்றும் மத்திய அரசு அளித்த தொடர் ஆதரவும் நிதியுதவியுமே இந்த வெற்றிக்கு மிக முக்கிய காரணம்" என்று நெகிழ்ச்சியுடன் தெரிவித்தார்.
