ரஜினிக்கு பயந்து பின்வாங்குகிறாரா விஜய்? ஜனநாயகன் பட ரிலீஸ் பற்றி வந்த ஷாக்கிங் அப்டேட்

நடிகர் விஜய்யின் 69-வது படம் ஜனநாயகன். இது அவரின் கடைசி படமாகவும் கருதப்படுகிறது. இப்படத்தோடு சினிமாவை விட்டு விலகிய விஜய் தற்போது தீவிர அரசியலில் ஈடுபட்டு உள்ளார். அவர் தொடங்கிய தமிழக வெற்றிக் கழகம் கட்சி, இந்த ஆண்டு நடைபெற உள்ள சட்டமன்ற தேர்தலில் போட்டியிட ஆயத்தமாகி வருகிறது. தேர்தல் நெருங்குவதால், பிரச்சாரத்தை விரைவில் தொடங்க இருக்கிறார் விஜய். விஜய்யின் அரசியல் எண்ட்ரியால் அவரின் கடைசி படமான ஜனநாயகன் ரிலீஸ் ஆகாமல் முடங்கிப் போய் உள்ளது. அப்படத்திற்கு சென்சார் சான்றிதழ் கிடைக்காததால் ரிலீஸ் செய்யப்படவில்லை.