Nanaynthara House: போயஸ் தோட்டத்தில் உள்ள லேடி சூப்பர் ஸ்டார் நயன்தாரா வீட்டை பார்த்திருக்கீங்களா?
சென்னையில் விவிஐபி-கள் முதல் முன்னணி நடிகர்கள் என பலர் வாழ்ந்து வரும் போயஸ் கார்டனில் சமீபத்தில் நடிகை நயன்தாரா புதிய வீடு ஒன்றை வாங்கிய நிலையில், அந்த வீட்டின் புகைப்படம் தான் தற்போது சமூக வலைத்தளத்தில் வைரலாகி வருகிறது.
கோலிவுட் திரையுலகில், சரத்குமாருக்கு ஜோடியாக ஐயா படத்தில் நடிக்க துவங்கி, சூப்பர் ஸ்டார் ரஜினிகாந்த், அஜித், விஜய், தனுஷ், சூர்யா என முன்னணி நடிகர்களுக்கு ஜோடியாக வரிசை கட்டி நடித்தவர் நயன்தாரா.
மற்ற முன்னணி நடிகைகளை போல், ஒரு சில ஆண்டுகள் திரையுலகை ஆண்டு விட்டு... திருமணம் செய்து கொண்டு டாட்டா காட்டி விடாமல், திரையுலகில் சுமார் 20 ஆண்டுகளை நிலையான ஹீரோயினாக நடித்து வருவது மட்டும் இன்றி, அறம், மாயா, இமைக்கா நொடிகள், கொலையுதிர் காலம் ,கோலமாவு கோகிலா, டோரா, ஒ 2, கனெக்ட் என அடுத்தடுத்து கதையின் நாயகியாக நடித்து மிரளவைத்தார்.
குறிப்பாக இவர் நடிப்பில் வெளியான அறம், கோலமாவு கோகிலா, மாயாபோன்ற படங்கள் முன்னணி நடிகர்களின் படங்கள் வசூல் செய்யும் அளவில் காலெக்ஷனின் கல்லா காட்டியதால்... லேடி சூப்பர் ஸ்டார் என்கிற அந்தஸ்தையும் பெற்றார்.
தன்னுடைய நீண்ட நாள் காதலரான இயக்குனர் விக்னேஷ் சிவனை காதலித்து திருமணம் செய்து கொண்டுள்ள நயன், தற்போது உயிர் - உலகம் ஆகிய இரண்டு குழந்தைகளை வாடகை தாய் மூலம் பெற்றுக்கொண்டுள்ளார். சமீபத்தில் தான் முதல் முறையாக தன்னுடைய குழந்தைகளின் முகத்தை ரசிகர்களுக்கு காட்டினார் நயன் என்பது குறிப்பிடத்தக்கது.
40 வயதில் குத்து ரம்யா மாரடைப்பால் மரணம்? திரையுலகை உலுக்கிய வதந்தி..! வெளியான பரபரப்பு தகவல்!
மேலும் நயன்தாரா தென்னிந்திய திரையுலகை அடுத்து, பாலிவுட் திரையுலகிலும் ஜவான் படத்தின் மூலம் ஹீரோயினாக அறிமுகமாகி உள்ளார். இந்த திரைப்படம் நாளை வெளியாக உள்ளது. இந்த படத்தை இயக்குனர் அட்லீ இயக்கியுள்ளார். மிகப்பெரிய எதிர்பார்ப்பு மத்தியில் இந்த படம் வெளியாக உள்ளது.
இது ஒருபுறம் இருக்க, நடிகை நயன்தாரா சில மாதங்களுக்கு முன்பு சென்னை போயஸ் கார்டனில் 4 மாடி கொண்டு குடியிருப்பை வாங்கியதாக கூறப்பட்டது. இதுவரை அந்த வீட்டில் நயன்தாரா குடியேறவில்லை என கூறப்படும் நிலையில்... இந்த வீட்டின் கட்டுமான பணிகள் தீவிரமாக நடந்து வருகிறது. தற்போது இந்த வீட்டின் புகைப்படம் ஒன்று வெளியாகி வைரலாகி வருகிறது.
சென்னையில் உள்ள மற்ற இடங்களை விட, போயஸ் தோட்டத்தில் வீடு வாங்க வேண்டும் என்பது தான் பலரது கனவு. காரணம்... அணைத்து பகுதிகளை விட, மிகவும் பீஸ் ஃபுல்லாகவும்... பாதுகாப்பு மற்றும் ட்ராபிக் போன்ற எந்த வித பிரச்னையும் இல்லாத இடமாக உள்ளது.
போயர் கார்டனில், தான் மறைந்த முன்னாள் முதலமைச்சர் ஜெயலலிதா வாழ்ந்த வேதா இல்லம், கலைஞர் கருணாநிதி அவர்கள் வீடு, ரஜினிகாந்த் வீடு, தனுஷ் தற்போது 150 கோடியில் கட்டி குடியேறிய வீடு, இளையராஜாவின் மகன், கார்த்திக் ராஜா வீடு, உள்ளிட்ட பல பிரபலங்கள் உள்ளார். அதே போல் பல விவிஐபி-க்கள் வீடும் பெயர் கார்டனில் உள்ளது குறிப்பிடத்தக்கது.
சேனலை கிளிக் செய்து பின்தொடரவும்
