உறவினர் திருமணத்தில் மணமக்களை வாழ்த்திய கையேடு... படப்பிடிப்பு தேதியை அறிவித்த லெஜெண்ட் சரவணன்!
லெஜெண்ட் சரவணன் தன்னுடைய உறவினர் திருமணத்தில் கலந்து கொண்டு மணமக்களை வாழ்த்திய கையேடு தன்னுடைய அடுத்த படத்தின் அப்டேட் கொடுத்துள்ளார்.
தமிழகத்தில் உள்ள முன்னணி தொழிலதிபர்களின் ஒருவர் லெஜெண்ட் சரவணன். தன்னுடைய கடை விளம்பரத்தில், தானே மாடலாக மாறி ஆடி பாடி, பட்டையை கிளப்பிய லெஜெண்ட் பின்னர் நடிகராகவும் அவதாரம் எடுத்தார்.
இவர் ஹீரோவாக நடித்த 'லெஜெண்ட்' திரைப்படம் கடந்த 2022 ஆம் ஆண்டு வெளியான நிலையில், இப்படம் வசூல் ரீதியாக எதிர்பார்த்த அளவுக்கு வெற்றிபெறவில்லை என்றாலும், விமர்சனம் ரீதியாக பாராட்டுகளை குவித்தது.
தன்னுடைய முதல் படத்தில் லெஜெண்ட் சரவணன், ஒரு விஞ்ஞானியாக நடித்திருந்தார். ஜேடி - ஜெர்ரி இயக்கிய இந்த படத்தை, லெஜெண்ட் சரவணன் தன்னுடைய முதல் தயாரிப்பாக தயாரித்திருந்தார் என்பது குறிப்பிடத்தக்கது.
இப்படம் வெளியாகி ஒரு வருடத்திற்கு மேல் ஆகும் நிலையில், இதுவரை தன்னுடைய இரண்டாவது திரைப்படம் குறித்து எதுவும் பேசாமல் இருந்த லெஜெண்ட் சரவணன், தற்போது தன்னுடைய உறவினர் திருமணத்தில் கலந்து கொண்ட போது எடுத்த புகைப்படத்தோடு அடுத்த பட தகவலையும் வெளியிட்டுள்ளார்.
தமிழில் எதிர்நீச்சல் படத்தின் மூலம் இயக்குனராக அறிமுகமாகி, பின்னர் காக்கி சட்டை, கொடி, பட்டாஸ் போன்ற படங்களை எழுதி இயக்கிய, துரை செந்தில்குமார் இயக்கத்தில் தான் லெஜெண்ட் நடிக்க உள்ளார்.
துரை செந்தில்குமார் இயக்கி முடித்துள்ள கருடன் படத்தின் போஸ்ட் புரோடக்ஷன் பணிகள் ஒருபக்கம் தீவிரமாக நடந்து வர, அடுத்த படத்தின் பணிகளும் சூடி பிடித்துளள்ளது. லெஜெண்ட் சரவணன் நடிக்க உள்ள இரண்டாவது படத்தை இயக்க உள்ளார். இப்படத்தின் லுக் டெஸ்ட் ஆகியவை நிறைவடைந்துவிட்டதாக கூறப்படுகிறது.
இந்த நிலையில் லெஜண்ட் சரவணன், தனது சமூக வலைதளத்தில் உறவினர் திருமண விழாவில் சொந்த பந்தங்களுடன் கலந்து கொண்டதாக தெரிவித்துள்ளார். மேலும் அதே பதிவில் அவர் ’ஏப்ரல் மாதம் படப்பிடிப்பு ஆரம்பம்’ என்றும் குறிப்பிட்டுள்ளதை அடுத்து லெஜண்ட் சரவணன் அடுத்த படத்தின் படப்பிடிப்பு ஏப்ரல் மாதம் தொடங்கும் என்பது என்பது உறுதியாகியுள்ளது.
இந்த திருமண விழாவிற்கு கோட் - சூட்டில் செம்ம ஸ்டைலிஷாக வந்து இறங்கி அனைவரையும் ஆச்சர்யப்படுத்தினார். மேலும் தன்னுடன் செல்ஃபி எடுக்க வந்த அனைவருடனும் புகைப்படம் எடுத்து கொண்டு அங்கிருந்து புறப்பட்டார் என்பது குறிப்பிடத்தக்கது.
சேனலை கிளிக் செய்து பின்தொடரவும்
