'ஆட்டோகிராப்' பட நடிகை மல்லிகாவா இது? உடல் எடை கூடி அடையாளமே தெரியல! மகன் - கணவரோடு இருக்கும் போட்டோஸ்!
ஆட்டோகிராப், திருப்பாச்சி போன்ற சூப்பர் ஹிட் படங்களில் நடித்துள்ள நடிகை மல்லிகா, திருமணத்திற்கு பின் உடல் எடை அடையாளமே தெரியாமல் மாறிவிட்ட நிலையில், இவரது ரீசென்ட் போட்டோஸ் வெளியாகி வைரலாக பார்க்கப்பட்டு வருகிறது.
கேரள மாநிலம் திருசூரை சேர்ந்தவர் நடிகை மல்லிகா. டஸ்கி ஸ்கின் அழகியான இவர், 2002-ஆம் ஆண்டு மலையாள திரைப்படமான 'நிழல்குத்து' என்கிற படத்தின் மூலம் அறிமுகமானார்.
இதை தொடர்ந்து, இயக்குனர் சேரன் இயக்கி அவரே ஹீரோவாக நடித்து கடந்த 2004-ஆம் ஆண்டு, சினேகா, கோபிகா, கனிகா, உள்ளிட்ட பல நாயகிகள் நடிப்பில் வெளியான ஆட்டோகிராப் படத்தில் இவரும் கதாநாயகிகளில் ஒருவராக நடித்தார். மற்ற நடிகைகளின் கேரக்டரை விட இவரது கதாபாத்திரை ரசிகர்கள் மத்தியில் அதிக கவனம் பெற்றது.
இந்த படத்தில் பள்ளி மாணவியாக நடித்திருந்தார் மல்லிகா. மேலும் இந்த படத்திற்காக சிறந்த துணை நடிகைக்கான பிலிம் பேர் விருதையும் வென்றார். தமிழில் இவர் நடித்த முதல் படமே, நல்ல வரவேற்பை பெற்றதால் அடுத்தடுத்து, சில படங்களில் நடிக்கும் வாய்ப்பு கிடைத்தது.
குறிப்பாக திருப்பாச்சி படத்தில் தளபதி விஜய்யின் தங்கையாக, மிகவும் அழுத்தமான ரோலில் நடித்திருந்தார். இதை தொடர்ந்து, குண்டக்க மண்டக்க, திருப்பதி, உனக்கும் எனக்கும், தோட்டா, சென்னையில் ஒருநாள் போன்ற படங்களில் நடித்தார்.
தமிழ் பட வாய்ப்புகள் கிடைக்காததால், மலையாள படங்களில் கவனம் செலுத்திய இவர்... கடைசியாக 2013 ஆம் ஆண்டு கதவீடு எங்கிற படத்தில் தான் நடித்திருந்தார்.
இதைத்தொடர்ந்து ஜெகதீஷ் என்பவரை திருமணம் செய்து கொண்டு, திரையுலகில் இருந்து முழுமையாக விலகினார் மல்லிகா. இவருக்கு ஒரு மகன் ஒருவரும் உள்ளார்.
நீண்ட நாட்களாக ரசிகர்களின் கண்களில் படாமல் இருக்கும் இவர், தன்னுடைய மகன், கணவர், என குடும்பத்தினர் அனைவருடனும் எடுத்து கொண்ட போட்டோஸ் வைரலாகி வருகிறது.
அதே போல் சினிமாவில் நடிக்கும் போது, ஒல்லியாக இருந்த மல்லிகா தற்போது உடல் எடை கூடி காணப்படுகிறார். எனினும் இந்த டஸ்கி ஸ்கின் அழகியின் அழகும், எதார்த்தமான முகமும் மாறாமல் அப்படியே இருக்கிறது என ரசிகர்கள் கமெண்ட் செய்து வருகிறார்கள்.
சேனலை கிளிக் செய்து பின்தொடரவும்
