மீனாட்சி அம்மன் கோவில் யானை பார்வதிக்கு மீண்டும் உடல்நிலை பாதிப்பு
மதுரை மீனாட்சி அம்மன் கோவில் யானைக்கு மீண்டும் உடல்நலக் குறைவு ஏற்பட்டதைத் தொடர்ந்து மருத்துவ அதிகாரிகள் பரிசோதனை மேற்கொண்டு வருகின்றனர்.
உலக புகழ்ப்பெற்ற மதுரை மீனாட்சி அம்மன் கோவிலில் பார்வதி என்கிற 27 வயது பெண் யானை கோவில் வளாகத்தில் பராமரிக்கப்பட்டு வருகிறது. இந்த நிலையில், பார்வதி யானை கடந்த சில தினங்களாக சரிவர உணவு எடுத்துக் கொள்ளாததை அடுத்து சோர்வடைந்து காணப்பட்டதால் வன விலங்கியல் மருத்துவர் தலைமையிலான மருத்துவகுழு யானைக்கு சிகிச்சை அளித்து வருகின்றனர்.