45 வயதிலும் முன்னணி நடிகர்களுக்கு ஜோடி! லேடி சூப்பர்ஸ்டார் மஞ்சு வாரியரின் சொத்து மதிப்பு எவ்வளவு தெரியுமா?
மலையாள சினிமாவின் லேடி சூப்பர் ஸ்டாராக இருக்கும், நடிகை மஞ்சு வாரியரின் சொத்து மதிப்பு மற்றும் அவரின் பிற தகவல்களை இந்த தொகுப்பில் பார்க்கலாம்.
45 வயதிலும், பல முன்னணி நடிகர்களுக்கு ஜோடியாக நடித்து வரும் மஞ்சு வாரியர், நாகர்கோவில் பிறந்து வளர்ந்தவர். கேரளாவை பூர்வீகமாக கொண்ட இவர்.. சிறு வயதில் இருந்தே முறையாக கிளாசிக்கல் நடனம் கற்று வந்தார். இதுவே இவர் திரையுலகில் அறிமுகமாக காரணமாகவும் அமைந்தது.
1995-ஆம் ஆண்டு சக்ஷ்யம் என்கிற மலையாள கதாநாயகியாக நடித்தார். இந்த படம் மிகப்பெரிய வெற்றி பெற்ற நிலையில், 1996-ஆம் ஆண்டு 5 படங்களில் கதாநாயகியாக நடித்தார். பின்னர் முன்னணி நாயகியாக மாறிய மஞ்சு வாரியர், மோகன் லால், மம்மூட்டி, திலீப், ஜெயராம், போன்ற முன்னணி நடிகர்களுடன் பல படங்களில் நடித்துள்ளார்.
முன்னணி நடிகையாக இருக்கும் போதே... நடிகர் திலீப்பை காதலித்து திருமணம் செய்து கொண்ட மஞ்சு வாரியர் 1998-ஆம் ஆண்டு திருமணம் ஆகி செட்டில் ஆனார். திருமணத்திற்கு பின்னர் திரையுலகில் இருந்து மொத்தமாக விலகிய, மஞ்சு வாரியர் மகளை கண்ணும் கருத்துமாக வளர்த்து வந்த போது தான், திலீப் - மஞ்சு வாரியர் இடையே காவியா மாதவன் வந்தார்.
இந்த விஷயம் பூதாகரமாக வெடிக்க, காதலித்து திருமணம் செய்து கொண்டு கணவர் திலீப்பிடம் இருந்து விவாகரத்து பெற்று பிரிந்தார் மஞ்சு. பின்னர் தனக்கு பிடித்த நடனம் மற்றும் சினிமாவில் சுமார் 15 வருட இடைவெளிக்கு பின்னர் நடித்தார். மலையாளத்தில் பெண்களுக்கு முக்கியத்துவம் கொடுக்கும் கதைகளை தேர்வு செய்து நடித்து, மீண்டும் சிறந்த நடிகை என்பதை நிரூபித்தது மட்டும் இன்றி லேடி சூப்பர் ஸ்டாராகவும் மாறினார்.
Manju Warrier
தமிழில் நடிகர் தனுஷுக்கு ஜோடியாக அசுரன் படத்தில் நடித்த மஞ்சு வாரியர், பின்னர் துணிவு படத்தில் அஜித்துக்கு ஜோடியாக நடித்தார். இந்த ஆண்டு இவரின் கைவசம் 4 மலையாள படங்கள் உட்பட 2 தமிழ் படங்கள் உள்ளன.
திருமணம் ஆகி, விவாகரத்து பெற்று... 40 வயதிற்கு பின்னரும், முன்னணி நடிகர்களுக்கு ஜோடியாக நடித்து வரும் மஞ்சு வாரியாரின் சொத்து மதிப்பு சுமார் 142 கோடி முதல் 150 கோடி வரை இருக்கும் என கூறப்படுகிறது.
இவருக்கு சொந்தமாக கேரளாவில் பல வீடுகள் உள்ளன. அதே போல் 3க்கும் மேற்பட்ட சொகுசு கார்களை வைத்திருக்கும் மஞ்சு வாரியர்... BMW பைக் ஒன்றையும் கடந்த ஆண்டு வாங்கினார் என்பது குறிப்பிடத்தக்கது.