Jio MAMI Film Festival: கமல்ஹாசன், பா.ரஞ்சித், பிரியங்கா சோப்ரா உள்ளிட்ட பல பிரபலங்களுடன் களைகட்டிய படவிழா!
மும்பையில் நடந்த, ஜியோ மாமி படவிழாவில் பல பிரபலங்கள் கலந்து கொண்டு சிறப்பித்தனர் தற்போது இதுகுறித்த போட்டோஸ் வெளியாகி அதிகம் பார்த்து ரசிக்கப்பட்டு வருகிறது.
ஜியோ மாமி திரைப்பட விழா 2023 இன் தொடக்க விழா நேற்று, மும்பையில் மிக பிரமாண்டமாக நடந்தது. இதில், தென்னிந்திய மற்றும் வடஇந்திய திரையுலகை சேர்ந்த பல பிரபலங்கள் கலந்து கொண்டு ரெட் கார்பெட்டை தங்களின் அழகால் மெருகேற்றினர்.
குறிப்பாக கரீனா கபூர், பிரியங்கா சோப்ரா, சோனம் கபூர், கமல்ஹாசன், கரண் ஜோஹர், டயானா பென்டி, ஜிம் சர்ப், ரன்தீப் ஹூடா, இயக்குனர் பா.ரஞ்சித் உள்ளிட்ட ஏராளமான பிரபலங்கள் இதில் கலந்து கொண்டனர்.
இன்னும் சொல்ல போனால், ஒட்டு மொத்த பாலிவுட் திரையுலகமே... அம்பானி குடும்பத்தினர் நடத்திய ஜியோ மாமி படவிழாவில் தான் இருந்தனர்.
இந்த படவிழாவில் கலந்து கொண்ட பிரபலங்கள் பற்றியும், அவர்கள் அணிந்துள்ள உடை குறித்தும் இந்த தொகுப்பில் பார்ப்போம். நடிகை சன்னி லியோன் கருப்பு நிற உடையில் கலக்கலாக வந்து அனைவரின் கவனத்தையும் ஈர்த்தார்.
தென்னிந்திய திரையுலகின், உலக நாயகன் கமல் ஹாசனும் ஜியோ மாமி பிலிம் பெஸ்டிவல் 2023 நிகழ்ச்சியில், மிகவும் ஸ்டைலிஷாக கருப்பு நிற பிளேசரில் கலந்து கொண்டு ஆச்சர்யப்படுத்தினார்.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
பல பாலிவுட் படங்களை இயக்கியும் - தயாரித்தும் ஹிந்தி திரையுலகில் தனக்கென தனி இடத்தை பதித்துள்ள இயக்குனர் கரண் ஜோகர். கருப்பு நிற குர்தி அணிந்து கலந்து கொண்டார்.
அதே போல் இந்த படவிழாவில், தங்கலான் பட இயக்குனர் பா.ரஞ்சித்தும் கலந்து கொண்டார். ஜீன்ஸ் பேண்ட், மற்றும் வெள்ளை நிற வூடி அணிந்து வந்து... பாலிவுட் திரையுலகினரின் கவனத்தை ஈர்த்தார் காலா இயக்குனர்.
நடிகர் சித்தார்த் ஜியோ மாமி பிலிம் பெஸ்டிவலில் கருப்பு நிற பிளேசர் அணிந்து வந்திருந்தார். சமீபத்தில் இவர் நடிப்பில் வெளியான சித்தா திரைப்படம் ரசிகர்கள் மத்தியில் நல்ல வரவேற்பை பெற்றது குறிப்பிடத்தக்கது.
பொன்னியின் செல்வன் பட நடிகை சோபிதா துளிபாலா இந்த பிலிம் பெஸ்டிவலில்... கோல்டன் நிற சேலையில், வந்து ஒட்டு மொத்த திரையுலகினரின் கவனத்தை ஈர்த்தார்.
நடிகை சோனம் கபூர், குழந்தை பிறந்தபின்னர், பேஷன் மற்றும் பிற நிகழ்ச்சிகளில் கலந்து கொள்வதை தவிர்த்து வந்த நிலையில், தற்போது ஜியோ ஃபேமிலி நடத்தும் இந்த பிலிம் பெஸ்டிவலில் கலந்து கொண்டுள்ளார். இவர் அணிந்திருந்த உடையும் அதிகம் கவனிக்கப்பட்டது.
பிரபல நடிகை அதிதி ராவ், தன்னுடைய காதலன் சித்தார்த்துடன் தான் இந்த மும்பை பிலிம் பெஸ்டிவல் நிகழ்ச்சியில் கலந்து கொண்டுள்ளார். மேலும் அதிதி மிகவும் ட்ரடிஷனலாக குர்தி அணிந்து இந்த படவிழாவில் கலந்து கொண்டுள்ளார்.
நடிகை ராஷி கண்ணா... வைலெட் நிற, லெஹன்கா அணைந்து வந்திருந்தார். இவர் தமிழில் பிசியாக நடித்து வருவதை போல் சமீப காலமாக ஹிந்தி படங்களிலும் அடுத்தடுத்து நடித்து வருகிறார்.
நடிகை ப்ரியங்கா சோப்ரா, வெள்ளை நிற மேக்சி உடையில் வந்து பார்ப்பவர்களை பிரமிக்க செய்தார். தன்னுடைய தங்கையின், திருமணத்திற்கு கூட படப்பிடிப்பு காரணமாக வராமல் போன இவர்... ஜியோ படவிழாவில் அட்டனென்ஸ் போட்டுள்ளார் என்பது குறிப்பிடத்தக்கது.
சேனலை கிளிக் செய்து பின்தொடரவும்
