Top 10 TRP: விஜய் டிவிக்கு வந்த சோதனை? புஸுன்னு இறங்கிய சிறகடிக்க ஆசை TRP.. டாப்பில் எந்த சீரியல் தெரியுமா?
இந்த வருடத்தின் 8-ஆவது வாரத்தில், அதிகப்படியான ரசிகர்களின் மனதை கவர்ந்து டாப் 10 லிஸ்டில் இடம்பிடித்த சீரியல்கள் குறித்து இந்த தொகுப்பில் பார்க்கலாம்.
கடந்த வாரம் TRP-யில் சற்று பின் தங்கிய 'சிங்க பெண்ணே' சீரியல், இந்த வாரம் மளமளவென முன்னேறி TRP-யில் 11.50 புள்ளிகளுடன் முதலிடத்தை பெற்றுள்ளது. இந்த வாரம், ஆனந்திக்கு அன்புவை பற்றிய உண்மைகள் தெரியவருமா? மகேஷின் காதலை அனந்தி ஏற்றுக்கொள்வாரா? என்பதை வரும் வாரங்களில் பார்ப்போம்.
இரண்டாவது இடத்தை தக்கவைத்து கொண்டுள்ளது 'கயல்' தொடர். இது நாள் வரை எழில், கயலை துரத்தி துரத்தி காதலித்த நிலையில், தற்போது கயல்... எழிலை தேடி அலைந்து கொண்டிருக்கிறார். இருவரும் சந்திக்கும் நேரம் எப்போது வரும் என்கிற ஆவலை தூண்டியுள்ள இந்த தொடர், 10.60 TRP புள்ளிகளை பெற்றுள்ளது.
மூன்றாவது இடத்தை தக்கவைத்து கொண்டுள்ள தொடர் 'வானத்தைப் போல'. பொன்னி செய்த கொலை அவருக்கே தெரியவில்லை என்றாலும், தற்போது அவரை தண்டித்துள்ளார் சின்ராசு. எனினும் இனி என்ன நடக்கும் மீண்டும் பொன்னி - சின்ராசு சேருவர்களா? என்பதை பொறுத்திருந்து பார்ப்போம். இந்த தொடர் 10.56 TRP புள்ளிகளை பெற்றுள்ளது.
கடந்த வாரம் முதலிடத்தை பிடித்த எதிர்நீச்சல் தொடர், மிகவும் பின்தங்கி தற்போது 4-ஆவது இடத்தை பிடித்துள்ளது. தர்ஷினியை கடத்தி வைத்திருப்பது,குணசேகரன் என்பது தெரிய வந்துள்ள நிலையில்... அது தர்ஷினிக்கும் தெரியவந்துள்ள நிலையில், இந்த உண்மை எப்போது வெளியே வரும் என்கிற எதிர்பார்ப்பு எழுந்துள்ளது. இந்த தொடர் 10.39 TRP புள்ளிகளை பெற்றுள்ளது.
இந்த வாரம் 8.62 TRP புள்ளிகளுடன் 5-ஆவது இடத்தை பிடித்துள்ளது, சுந்தரி சீரியல். கார்த்திகை திருமணம் செய்து கொண்டதால், தன்னுடைய வாழ்க்கையையே தொலைத்து விட்டாலும், கலெக்டர் கனவை ஜெயித்த சுந்தரிக்கு... கிருஷ்ணா மீதுள்ள அன்பு காதலாக மாறுமா? இருவரும் வாழ்க்கையில் ஒன்று சேர்வார்களா என்கிற எதிர்பார்ப்புக்கு மத்தியில் இந்த தொடர் தற்போது ஒளிபரப்பாகி வருகிறது.
Iniya Serial
இதை தொடர்ந்து, கடந்த வாரம் ரேடிங்கில் கடைசி இடத்தில் இருந்த இனியா சீரியல்... இந்த வரம் கொஞ்சம் முன்னேறி, மேலும் 8.56 TRP புள்ளிகளை பெற்று 6 ஆவது இடத்தை பிடித்துளளது. இனியா தற்போது மிகவும் சீரியஸான நிலையில் இருக்கிறார். இவரை விக்ரமின் காதல் காப்பாற்றுமா என்பதை பொறுத்திருந்து பார்ப்போம்.
இடத்தியடுத்து சென்ற வாரம் TRPயில் 3-ஆவது இடத்தை பிடித்த சிறகடிக்க ஆசை சீரியல், இந்த வாரம்... அநியாயத்துக்கு புஸுன்னு குறைத்து 7-ஆவது இடத்திற்கு தள்ளப்பட்டுள்ளது. 7. 41 TRP புள்ளிகளை பெற்றுள்ள இந்த தொடர் அடுத்த வாரம் விட்ட இடத்தை பிடிக்குமா என்கிற எதிர்பார்ப்பும் எழுந்துள்ளது.
8-ஆவது இடத்தில், விஜய் டிவி சீரியலின் மற்றொரு சூப்பர் ஹிட் தொடரான 'பாக்கிய லட்சுமி' சீரியல் உள்ளது. பாக்கியா - கோபி இடையே ஆயிரம் பிரச்சனைகள் இருந்தாலும், இந்த வாரம் ஓவர் சென்டிமென்டில், பரபரப்பு இல்லாமல் ஒளிபரப்பாகி வருவது இந்த இந்த வாரம் ரேட்டிங் குறைந்ததற்கான காரணமாக பார்க்கப்படுகிறது.
pandian stores 2
இதை தொடர்ந்து 9-ஆவது இடத்தில் 6.29 புள்ளிகளுடன் பாண்டியன் ஸ்டோர் சீரியல் உள்ளது. செய்யாத தவறுக்காக, ராஜீ அண்ணனிடம் அடி, அப்பாவிடம் திட்டு, ஊர் மத்தியில் அசிங்கப்பட்டு கொண்டிருக்கும் கதிரின் தியாகம் தெரிய வருமா? அப்படி தெரியவந்தால்... என்ன நடக்கும் என்கிற எதிர்பார்ப்புடன் இந்த தொடர் ஒளிபரப்பாகி வருகிறது.
இதை தொடர்ந்த இந்த வாரத்தில் கடைசி இடத்தை பிடித்திருப்பது சன் டிவி பிரைம் டைம் தொடர்களில் ஒன்றான 'ஆனந்த ராகம்' சீரியல் தான். இந்த தொடர் 5.75 புள்ளிகளை பெற்றுள்ளது. ஈஸ்வரி கிட்டத்தட்ட கொலைகாரனை நெருங்கி விட்ட நிலையில், கொலை செய்தவர்களை கண்டு பிடித்து... வசுந்த்ராவை காப்பாற்றுவாரா? என்கிற பரபரப்பான காட்சிகளுக்கு மத்தியில் இந்த தொடர் ஒளிபரப்பாகி வருகிறது.