குடையை எடுத்து செல்ல மறந்துவிடாதீங்க.. இன்று காலையில் இருந்து மழை கொட்டப்போகுது- எந்த எந்த மாவட்டம் தெரியுமா.?

தமிழகத்தில் கோடை மழை பெய்து வரும் நிலையில், இன்று காலை 10 மணி வரை 6 மாவட்டங்களில் மழை கொட்டப்போவதாக வானிலை ஆய்வு மையம் தெரிவித்துள்ளது. 

rain asianet news

தமிழகத்தில் கோடை மழை

தமிழகத்தில் கோடை வெயிலின் தாக்கம் பிப்ரவரி மாதமே தொடங்கிவிட்டது. சுட்டெரிக்கும் வெயிலால் மக்கள் வீடுகளுக்குள்ளே முடங்கி கிடக்கும் நிலை உருவானது. இந்த சூழ்நிலையில் மக்களுக்கு குட் நியூஸ் தரும் வகையில் வெப்பத்தின் தாக்கத்தில் இருந்து கடந்த சில நாட்களாக மழை பெய்து வருகிறது.

அந்த வகையில் தமிழக பகுதிகளின் மேல் வளிமண்டல கீழடுக்குகளில், காற்றின் திசை மாறுபடும் பகுதி நிலவுகிறது. இதன் காரணமாக தமிழகத்தில் பரவலாக மழை பெய்து வருகிறது. இது தொடர்பாக வானிலை ஆய்வு மையம் வெளியிட்டுள்ள தகவலில்,

Rain

இடி மின்னலோடு மழை

இன்று 13.05.2024: தமிழகத்தில் ஒருசில இடங்களிலும் புதுவை மற்றும் காரைக்கால் பகுதிகளிலும் இடி மின்னல் மற்றும் பலத்த காற்றுடன் (மணிக்கு 30 கிலோமீட்டர் முதல் 40 கிலோமீட்டர் வரை) லேசானது முதல் மிதமான மழை பெய்யக்கூடும். தேனி, திண்டுக்கல், விருதுநகர், தென்காசி, திருநெல்வேலி மற்றும் கன்னியாகுமரி மாவட்டங்களில் ஓரிரு இடங்களில் கனமழை பெய்யவாய்ப்புள்ளதாக தெரிவிக்கப்பட்டுள்ளது. 

பலத்த காற்றுடன் நாளையும் மழை

நாளை 14,05,2024: தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும் இடி மின்னல் மற்றும் பலத்த காற்றுடன் (மணிக்கு 30 கிலோமீட்டர் முதல் 40 கிலோமீட்டர் வரை) லேசானது முதல் மிதமான மழை பெய்யக்கூடும். தேனி, திண்டுக்கல், மதுரை, விருதுநகர், தென்காசி, திருநெல்வேலி மற்றும் கன்னியாகுமரி மாவட்டங்களில் ஓரிரு இடங்களில் கனமழை பெய்யவாய்ப்புள்ளதாக தெரிவிக்கப்பட்டுள்ளது.

tamilnadu rain

இன்று காலை 10 மணி வரை மழை வாய்ப்பு

இதனிடையே இன்று காலை 10 மணி வரை  6 மாவட்டங்களில் மழைக்கு வாய்ப்புள்ளதாக சென்னை வானிலை ஆய்வு மையம் தகவல் தெரிவித்துள்ளது. அதன் படி செங்கல்பட்டு, புதுக்கோட்டை, திண்டுக்கல், நீலகிரி, ஈரோடு, திருப்பூர் ஆகிய மாவட்டங்களில் லேசானது முதல் மிதமான மழைக்கு வாய்ப்பு இருப்பதாக கூறியுள்ளது.