எந்திரன் படத்தில் இப்படி ஒரு மிஸ்டேக் இருக்கா? 14 ஆண்டுகளுக்கு பின் கண்டுபிடிக்கப்பட்ட ஷங்கரின் கோல்மால் வேலை

பிரம்மாண்ட இயக்குனர் ஷங்கர் இயக்கத்தில் சூப்பர்ஸ்டார் ரஜினிகாந்த் நடிப்பில் கடந்த 2010-ம் ஆண்டு திரைக்கு வந்த திரைப்படம் எந்திரன். ரோபோவை வைத்து தமிழ் சினிமாவில் ஒரு ஹாலிவுட் தரத்திலான படத்தை கொடுத்து வியப்பில் ஆழ்த்தினார் ஷங்கர். இப்படத்தில் நடிகர் ரஜினிகாந்த், வசீகரன் என்கிற சயிண்டிஸ்ட் ஆகவும், சிட்டி என்கிற ரோபோவாகவும் இரட்டை வேடத்தில் நடித்து மாஸ் காட்டி இருந்தார். 

அதிலும் குறிப்பாக அவரின் சிட்டி ரோபோ கேரக்டர் ரசிகர்களை மிகவும் கவர்ந்தது. அதிபுத்திசாலியாக காட்டப்பட்ட அந்த கேரக்டர் படத்தில் செய்த மிகப்பெரிய மிஸ்டேக் ஒன்றை தற்போது நெட்டிசன் ஒருவர் கண்டுபிடித்துள்ளார். படம் ரிலீஸ் ஆகி 14 ஆண்டுகளாக யாராலும் கண்டுபிடிக்கப்படாமல் இருந்த அந்த தவறை தற்போது நெட்டிசன் ஒருவர் கண்டுபிடித்துள்ளதால் அது சோசியல் மீடியாவில் பேசுபொருள் ஆகி உள்ளது.

இதையும் படியுங்கள்... First Night-ல் சரக்கா... மிருணாளினி உடன் முரட்டு ரொமான்ஸில் விஜய் ஆண்டனி - கவனம் ஈர்க்கும் ரோமியோ

எந்திரன் படத்தில் வசீகரன் சிட்டியை விஞ்ஞானிகளுக்கும் பத்திரிகையாளர்களுக்கு மத்தியில் அறிமுகப்படுத்தும் போது, அவர்கள் கேட்கும் அனைத்து கேள்விகளுக்கும் பதிலளித்து அசரவைக்கும் சிட்டி. அதில் ஒரு கேள்வியில் 24157817 Fibonacci (ஃபிபொனாச்சி) நம்பரா என கேட்கப்படும். அதற்கு ஆம் என பதிலளிக்கும் சிட்டி அது 22-வது ஃபிபொனாச்சி நம்பர் என கூறும். ஆனால் உண்மையில் 22-வது ஃபிபொனாச்சி நம்பர் 17711 தானாம்.

சிட்டியிடம் கேட்கப்பட்ட 24157817 என்பது 37வது ஃபிபொனாச்சி நம்பர். இந்த லாஜிக் மிஸ்டேக்கை 14 ஆண்டுகளாக யாரும் கவனிக்காமல் இருந்த நிலையில், தற்போது நெட்டிசன் ஒருவர் கண்டுபிடித்துள்ளதால் அது வைரலாகி வருகிறது. சிலர் இயக்குனர் ஷங்கரை டேக் செய்து அவர் செய்த இந்த தவறை சுட்டிக்காட்டி வருகின்றனர். ஒருசிலரோ இதெல்லாம் சினிமாவில் சாதரணமப்பா என ஷங்கருக்கு சப்போர்ட்டாகவும் பதிவிட்டு வருகின்றனர்.

இதையும் படியுங்கள்... வேட்டை மன்னன் முதல் கான் வரை... சிம்பு நடித்து டிராப் ஆன படங்கள் இத்தனையா? முழு லிஸ்ட் இதோ