Lokesh Kanagaraj: வெயிட்டிங் லிஸ்டில் சூப்பர் ஸ்டார்? உலகநாயகன் மற்றும் ஸ்ருதியுடன் கை கோர்த்த லோகேஷ் கனகராஜ்!
இயக்குனர் லோகேஷ் கனகராஜ், ஸ்ருதிஹாசனுடன் இணைந்து பணியாற்ற உள்ள தகவல் உறுதியாகியுள்ள நிலையில், இதில் இடம்பெற்றுள்ள கேப்ஷன் ரசிகர்களை சற்று குழப்பத்தில் ஆழ்த்தியுள்ளது.
Lokesh Kanagaraj Thalaivar 171
இயக்குனர் லோகேஷ் கனகராஜ் இயக்கத்தில், கமல்ஹாசனை வைத்து விக்ரம் படத்தை இயக்கி மெகா ஹிட் கொடுத்த நிலையில், இந்த படத்தை தொடர்ந்து... அதிரடியாக தளபதி விஜய்யை வைத்து லியோ படத்தை இயக்கினார். லோகேஷ் கனகராஜ் இயக்கத்தில் வெளியான படங்களிலேயே இந்த படம் ரசிகர்களுக்கு சற்று ஏமாற்றத்தை கொடுத்த போதிலும், வசூல் ரீதியாக மாஸ் காட்டியது.
Lokesh Kanagaraj
இந்த படத்தை தொடர்ந்து லோகேஷ் கனகராஜ் சூப்பர் ஸ்டார் ரஜினிகாந்தை வைத்து தலைவர் 171-ஆவது படத்தை இயக்க உள்ளது உறுதியானது. சன் பிக்சர்ஸ் நிறுவனம் தயாரிக்க உள்ள இந்த படத்திற்கு, அனிருத் இசையமைக்க உள்ளார். இந்த படத்தின் படப்பிடிப்பு வரும் ஏப்ரல் மாதம் தொடங்க இருப்பதாகவும் கூறப்படுகிறது.
Lokesh Kanagaraj
இப்படத்தின் ப்ரீ புரோடக்ஷன் பணிகளில் லோகேஷ் கனகராஜ் கவனம் செலுத்தி வருவதாக கூறப்பட்ட நிலையில் அவ்வப்போது இப்படம் குறித்து அப்டேட் வெளியானது. அதன்படி, தளபதி விஜய் நடித்து வரும் ’கோட்’ திரைப்படத்தில் அவரை இளமையாக காண்பிக்க வேண்டும் என்பதற்காக டீ-ஏஜிங் டெக்னாலஜி பயன்படுத்தப்பட்டது போல் தலைவர் 171 படத்திலும் தலைவரை இளமையாக காட்ட படக்குழு முடிவு செய்ததாக கூறப்பட்டது.
இது ஒரு புறம் இருக்க... தற்போது கமல்ஹாசனின் ராஜ் கமல் ஃபிலிம்ஸ் தயாரிப்பில், ஸ்ருதி ஹாசனுடன் புதிய புராஜெக்ட் ஒன்றில் கை கோர்த்துள்ளார் லோகேஷ் கனகராஜ். இந்த அறிவிப்பில் Inimel Delulu is the New Solulu என்று குழப்பும் படியான கேப்ஷன் இடம்பெற்றுள்ளதால், இது திரைப்படமா? அல்லது ஸ்ருதிஹாசனின் ஆல்பம் பாடலை லோக்கி இயக்குகிறாரா? என சந்தேகம் எழுந்துள்ளது. ஒருவேளை ஸ்ருதிஹாசனை வைத்து லோகேஷ் கனகராஜ், ராஜ்கமல் தயாரிப்பில் ஸ்ருதியை வைத்து படம் பண்ணினாள், ரஜினிகாந்தின் படம் கிடப்பில் போடப்படுமா? என்கிற கேள்வி எழுந்துள்ளது குறிபிடித்தக்கது.