Singapennae: இது தான் விஷயமா? சிங்கப்பெண்ணே சீரியல் குழுவின் கொண்டாட்டம்.! குவியும் ரசிகர்கள் வாழ்த்து!
சன் டிவியில் அக்டோபர் மாதம் துவங்கப்பட்ட 'சிங்கப்பெண்ணே' சிரியல் இன்றுடன் 100 நாட்களை எட்டி உள்ளது. இதனை சீரியல் குழுவினர் ஒரு பக்கம் கொண்டாடி வர, ரசிகர்களும் தங்களுடைய வாழ்த்துக்களை தெரிவித்து வருகின்றனர்.
சன் டிவி தொலைக்காட்சிகள் ஒளிபரப்பாகும் குறிப்பிட்ட தொடர்களுக்கு, ரசிகர்கள் மத்தியில் ஏகோபித்த வரவேற்பு கிடைத்து வருகிறது. அந்த வகையில் கடந்த அக்டோபர் மாதம் 9-ஆம் தேதி முதல் சன் டிவியில் பிரைம் டைமில் ஒளிபரப்பாகி வரும் தொடர் 'சிங்க பெண்ணே'.
பிரபாஸ் முத்தையா கதை எழுத, இந்த சீரியலை தனுஷ் கிருஷ்ணா இயக்கி வருகிறார். பொன் இளங்கோ, அனந்த் வேணு, ஆகியோர் இந்த சீரியலுக்கு டயலாக் எழுதி வருகின்றனர். இந்த தொடரை சன் டிவி மற்றும் மிராக்கள் மீடியா இணைந்து தயாரித்து வருகிறது.
விறுவிறுப்பான கதைகளத்தோடு ஒளிபரப்பாகி வரும் இந்த சீரியலில், மனிஷா மகேஷ்.. (ஆனந்தி) என்கிற கதாபாத்திரத்தில் ஹீரோயினாக நடித்து வருகிறார். அமல் ஜித் (அன்பரசன்) என்கிற கதாபாத்திரத்தில் ஹீரோவாக நடித்து வருகிறார். இரண்டாவது ஹீரோவாக தர்ஷன் கவுடா (மகேஷ்) என்கிற கதாபாத்திரத்தில் நடித்து வருகிறார்.
இவர்களை தவிர VJ பவித்ரா, யோக லட்சுமி, ஜீவிதா, ஹர்ஷிதா, ஞானசம்பந்தம், ரமா, நிவேதா ரவி, அஞ்சு, உள்ளிட்ட பல நடித்து வருகின்றனர். இல்லத்தரசிகள் மட்டுமின்றி... இளம் ரசிகர்களையும் அதிகம் கவர்ந்துள்ள இந்த தொடர், துவங்கிய ஒரே மாதத்திற்குள் டிஆர்பி-யில் டாப் 3 இடத்தில் இடம்பிடித்தது.
சரியான நேரத்தில்.. தளபதியின் தரமான வீடியோவை வெளியிட்டு மாஸ் சம்பவம் செய்த பிக்பாஸ் சரவணன் விக்ரம்!
எதிர்நீச்சல், கயல் போன்ற சீரியல்களை டிஆர்பியில் பின்னுக்கு தள்ளிவிட்டு 'சிங்க பெண்ணே' சீரியல் தான் முதல் இடத்தில் தக்க வைத்துக் கொண்டுள்ளது. இந்நிலையில் இந்து தொடர் வெற்றிகரமாக 100 நாட்களை எட்டி உள்ளது. இதனை சீரியல் குழுவினர் ஒரு பக்கம் கேக் வெட்டி கொண்டாடி வரும் நிலையில், மற்றொரு பக்கம் ரசிகர்களும் சிங்க பெண்ணே சீரியல் குழுவினருக்கு தங்களுடைய வாழ்த்துக்களை தெரிவித்து வருகின்றனர் என்பது குறிப்பிடத்தக்கது.
சேனலை கிளிக் செய்து பின்தொடரவும்
