சீன் போடும் நயன்தாரா! வயிற்றில் குழந்தையோடு 'தி கோட் லைஃப்' பட விழாவிற்கு வந்த அமலாபால்! குவியும் பாராட்டு!

பட விழாக்களுக்கு வரமுடியாதுனு சீன் போடும் சில நடிகர் - நடிகைகள் மத்தியில், கர்ப்பமாக இருக்கும் நிலையில் கூட, அமலா பால் படவிழாவில் கலந்து கொண்டு ஆச்சர்யப்படுத்தியுள்ளார். 

தென்னிந்திய திரையுலகில் முன்னணி நடிகையாக இருந்த நடிகை அமலா பால், சமீப காலமாக சரியான பட வாய்ப்புகள் கிடைக்காமல் திண்டாடி வந்த நிலையில், கடந்த ஆண்டு திடீர் என ஜகத் தேசாய் என்பவரை காதலிப்பதாக சமூக வலைத்தளத்தில் அவரது புரபோசல் வீடியோவை வெளியிட்டு அறிவித்தார். இதை தொடர்ந்து ஒரே வாரத்தில் தன்னுடைய காதலரை திருமணம் செய்து கொண்டார்.

திருமணமான இரண்டே மாதத்தில் அமலாபால் கர்ப்பமாக இருக்கும் தகவலை அறிவித்தார். மேலும் திருமணத்திற்கு முன்பே அமலா பால் கர்ப்பமாக இருந்த தகவல் வெளியானது. 

கர்ப்பமான பின்னர், கணவருடன் சேர்ந்து... தன்னுடைய கர்ப்பகாலத்தை அழகான, மற்றும் அமைதியான இடத்தில் அனுபவித்து வரும் அமலா பால்.. அடிக்கடி இதுகுறித்த புகைப்படங்களையும் சமூக வலைத்தளத்தில் பகிர்ந்து கொள்வதை வழக்கமாக வைத்துள்ளார்.

இந்நிலையில் நீண்ட இடைவெளிக்கு பின்னர் நடிகை அமலா பால், நடிகர் பிருத்விராஜ் சுகுமாரனுக்கு ஜோடியாக 'தி கோட் லைஃப்- ஆடுஜீவிதம்' என்கிற படத்தில் நடித்துள்ளார். இந்தியத் திரையுலகின் மிகப் பெரிய சர்வைவல் அட்வென்ச்சர் படமான 'தி கோட் லைஃப்- ஆடுஜீவிதம்' திரைப்படம் மார்ச்  28 -ஆம் தேதி வெளியாகிறது.

 இந்தி, மலையாளம், தமிழ், தெலுங்கு மற்றும் கன்னடம் ஆகிய ஐந்து மொழிகளில் பான் இந்தியா படமாக வெளியாகும் இந்த படத்தின் ரிலீசுக்கு இன்னும் சில தினங்களே உள்ள நிலையில், இப்படத்தின் புரோமோஷன் பணிகள் மிகவும் பரபரப்பாக நடந்து வருகிறது. குறிப்பாக கடந்த ஓரிரு நாட்களுக்கு முன் வெளியான இப்படத்தின் ட்ரைலர் படம் மீனாதா எதிர்பார்ப்பை அதிகரித்தது.

'தி கோட் லைஃப்- ஆடு ஜீவிதம்' படத்தின் இசை வெளியீட்டு விழா நேற்று நடந்த நிலையில், இதில் நடிகை அமலா பால் கர்ப்பமாக இருக்கும் நேரத்தில் கூட கலந்து கொண்டு பலரையும் ஆச்சர்யப்படுத்தினார். நயன்தாரா போன்ற நடிகைகள், முன்னணி நடிகரின் படமாக இருந்தாலும் கூட... ஆடியோ லான்ச் போன்றவற்றில் கலந்து கொள்ள மாட்டேன் என சீன போடும் நிலையில், கர்ப்பமாக இருக்கும் போது கூட அமலா பால் கலந்து கொண்டதை பார்த்து பலரும் அவரை பாராட்டி வருகிறார்கள்.