Tamil News Live Updates: தாமிரபரணியில் ஒரு லட்சம் கன அடி நீருக்கும் மேல் வெள்ளம்!!

இந்த வங்கி விதிகள் எல்லாம் ஜனவரி 1 முதல் மாற உள்ளது. லாக்கருக்கான புதிய ஒப்பந்தத்தில் கையெழுத்திட வேண்டியது அவசியம் ஆகும். இன்னும் பல மாற்றங்கள் நடைமுறைக்கு வர உள்ளது.

48 ரூபாய்க்கு ரீசார்ஜ் செய்து 30 நாட்கள் வேலிடிட்டி பெறும் சிறந்த திட்டத்தினை பற்றி தெரிந்து கொள்ளுங்கள்.

கலால் கொள்கை வழக்கில் டெல்லி முதல்வர் அரவிந்த் கெஜ்ரிவாலுக்கு அமலாக்கத்துறை புதிய சம்மன் அனுப்பியுள்ளது.

டெல்லி மெட்ரோ ரயில், கதவுகளுக்கு இடையே புடவை சிக்கி, காயம் ஏற்பட்டு பெண் ஒருவர் இறந்த சம்பவம் அதிர்ச்சியை ஏற்படுத்தி உள்ளது.

ஹீரோ மோட்டார்ஸ் நிறுவனத்தின் விடா வி1 எலக்ட்ரிக் ஸ்கூட்டர் ரூ.31,000 வரை தள்ளுபடி உடன் கிடைக்கிறது. இது பற்றி முழுமையாக தெரிந்து கொள்ளுங்கள்.

தமிழகத்தின் வரலாற்றில் இல்லாத அளவுக்கு முதல் முறையாக அதிகனமழை தென் மாவட்டங்களில் கொட்டித்தீர்த்துள்ளது.

காங்கிரஸ் கட்சி தற்போது நன்கொடை வசூலிக்கும் பிரசாரத்தை தொடங்கியுள்ளது.

மாதந்தோறும் ரூ.1 லட்சத்துக்கும் மேலாக வருமானம் கிடைக்கும் அதிக லாபம் தரும் வணிக ஐடியாவை தெரிந்து கொள்ளுங்கள்.

இந்திய நாடாளுமன்ற வரலாற்றிலேயே இல்லாத அளவிற்கு ஒரே நாளில் 33 எம்.பி.க்கள் சஸ்பெண்ட் செய்யப்பட்டுள்ளனர்

நாடு முழுவதும்  உள்ள தபால் அலுவலகங்களில் தங்கப்பத்திரங்கள் விநியோகம் தொடங்கப்பட்டுள்ளது

திருச்செந்தூரில் விடாமல் கொட்டித்தீர்த்த கனமழையால் அங்குள்ள முருகன் கோவில் முழுவதும் வெள்ள நீரால் சூழப்பட்ட வீடியோ காட்சி வெளியாகி உள்ளது.

பொதுத்துறை வங்கிகளின் ஓய்வூதியர்களுக்கு ஓய்வூதியம் உயருமா என்ற கேள்விக்கு மத்திய அரசு நாடாளுமன்றத்தில் பதிலளித்துள்ளது

தென் மாவட்ட கனமழை மீட்பு பணிகளில் இந்திய இராணுவத்தினர் ஈடுபடுத்தப்படவுள்ளதாகவும், இதுவரை எடுக்கப்பட்ட நடவடிக்கைகள் குறித்தும் தமிழக அரசு விளக்கம் அளித்துள்ளது

தென் மாவட்டங்களில் கனமழை பெய்து வரும் நிலையில், வாட்ஸ் அப், ட்விட்டரில் பாதிப்புகளை தெரிவித்து தேவையான உதவிகளை கோரலாம் என தமிழக அரசு தெரிவித்துள்ளது

90களில் முன்னணி தொகுப்பாளினியாக வலம் வந்த பெப்சி உமா தன் வாழ்க்கையில் நடந்த சில சுவாரஸ்ய சம்பவங்கள் பற்றி மனம்திறந்து பேசி இருக்கிறார்.

நீரிழிவு சிகிச்சைக்கான மருந்தை தேங்காய் நீரின் மூலம் கண்டுபிடித்த பொள்ளாச்சி விவேகானந்தனுக்கு பாஜக மாநிலத் தலைவர் அண்ணாமலை பாராட்டு தெரிவித்துள்ளார்

தமிழக முதல்வர் மு.க.ஸ்டாலின் திட்டமிட்டபடி இன்றிரவு டெல்லி செல்கிறார்

லிங்குசாமி இயக்கிய சண்டக்கோழி திரைப்படம் வெளியாகி 18 ஆண்டுகள் ஆகும் நிலையில், அதுகுறித்த நெகிழ்ச்சி பதிவை போட்டுள்ளார் விஷால்.

கனமழையால் பாதிக்கப்பட்டுள்ள தென் மாவட்டங்களில் மீட்பு பணிகளை பார்வையிட அமைச்சர் உதயநிதி ஸ்டாலின் செல்லவுள்ளார்

மழை வெள்ள நிவாரணம் ரூ.6000 இழப்பீட்டு தொகையை பாதிக்கப்பட்ட மக்கள் அனைவருக்கும் வழங்க வேண்டும் என பாமக நிறுவனர் ராமதாஸ் வலியுறுத்தியுள்ளார்

விஜய் நடிப்பில் வெளியாகி பிளாக்பஸ்டர் ஹிட் ஆன குஷி படத்தில் முதன்முதலில் நடிக்க இருந்த ஹீரோ பற்றிய தகவல் வெளியாகி இருக்கிறது.

நாடு முழுவதும் 4 மாநிலங்களில் உள்ள 19 இடங்களில் தேசிய புலனாய்வு முகமையினர் சோதனையில் ஈடுபட்டு வருகின்றனர்

நெல்லை, தூத்துக்குடி, கன்னியாகுமரி மாவட்டங்களில் மழை புரட்டி போட்டு வரும் நிலையில், மழை இன்னும் முடிவடையவில்லையெனவும், இன்று முழுவதும் பெய்ய இருப்பதாக தனியார் வானிலை ஆய்வாளர் தமிழ்நாடு வெதர்மேன் தெரிவித்துள்ளார்.
 

கனமழையால் பாதிக்கப்பட்டுள்ள மாவட்டங்களை சேர்ந்த பொதுமக்களுக்கு உதவிட வேண்டும் என திமுகவினருக்கு முதல்வர் ஸ்டாலின் அறிவுறுத்தியுள்ளார்

கனமழை பெய்து வரும் நெல்லை, தூத்துக்குடி,  தென்காசி, கன்னியாகுமரி மாவட்டங்களுக்கு பகல் மற்றும் இரவு நேரங்களில் இயக்கப்படும் ஆம்னி பேருந்துகள் இன்று (18.12.2023) இயக்கப்பட மாட்டாது என அனைத்து ஆம்னி பேருந்துகள் உரிமையாளர்கள் சங்க தலைவர் அ.அன்பழகன் அறிவித்துள்ளார்.

கலைஞர் நூற்றாண்டு விழா அடுத்த மாதம் நடைபெற உள்ள நிலையில், அதற்காக தனுஷ், நயன்தாரா, சாய் பல்லவி ஆகியோருக்கு அழைப்பு விடுக்கப்பட்டு உள்ளது.

பாகிஸ்தானின் கைபர் பக்துன்க்வாவில் லஷ்கர்-இ-தொய்பா ஆட்சேர்ப்பு பயங்கரவாதி ஹபிபுல்லா மர்ம நபர்களால் சுட்டுக் கொல்லப்பட்டுள்ளதாக தகவல்கள் வெளியாகியுள்ளன

கோரம்பள்ளம் குளம் உடைந்து தூத்துக்குடியை நகரப்பகுதியை நோக்கி நீர் வருவதாக செய்தி வெளியாகியுள்ளது.

தமிழகத்தில் கொரோனா தொற்று அதிகரித்து வரும் நிலையில், பொதுமக்களுக்கு பொது சுகாதாரத்துறை அறிவுறுத்தல்களை வழங்கியுள்ளது

தூத்துக்குடி மாவட்டம் காயல்பட்டினத்தில் வரலாறு காணாத அளவில் கனமழை பெய்துள்ளது. ஓராண்டில் பெய்ய வேண்டிய மழை ஒரேநாளில் பெய்துள்ளது. நெல்லை, தூத்துக்குடி, கன்னியாகுமரி ஆகிய 3 மாவட்டங்களில் மீட்புப்பணி தீவிரமாக நடைபெற்று வருகிறது. வெள்ளம் பாதித்த பகுதிகளில் இருந்து 7,500 பேர் மீட்கப்பட்டு, 84 முகாம்களில் தங்கவைக்கப்பட்டுள்ளனர். மீட்பு பணிகளுக்காக கூடுதல் படகுகள் அனுப்பப்பட்டுள்ளன. மீட்புப்பணிகளுக்காக ராணுவம், கடற்படை, விமானப்படை ஆகிய  முப்படைகளின் உதவி கோரப்பட்டுள்ளது என்று தலைமைச் செயலாளர் சிவ்தாஸ் மீனா தெரிவித்துள்ளார்.

முக்கிய எச்சரிக்கை:

திருநெல்வேலி மாவட்டம் அணைகளிலிருந்து உபரி நீர் வெளியேற்றப்பட்டு தாமிரபரணி ஆற்றில் அதிகப்படியான மழை நீர் தற்போது (17.12.2023 நேரம் இரவு 10.00 மணி) வந்து கொண்டிருப்பதால் தூத்துக்குடி மாவட்டத்தில் மருதூர் மற்றும் திருவைகுண்டம் அணைக்கட்டு பகுதிகள், கலியாவூர் முதல் புன்னக்காயல் வரை தாமிரபரணி ஆற்றங்கரையோர கிராமங்களில் வசிக்கும் பொதுமக்களை நிவாரண முகாம்களுக்குக் கொண்டு செல்லும் பணியினை வருவாய்த்துறை, காவல்துறை, உள்ளாட்சித் துறை, மகளிர் திட்டம், பொதுப்பணித்துறை, தீயணைப்புத் துறை மற்றும் அனைத்து துறைகளும் இணைந்து நடவடிக்கை எடுத்து வருகிறது. எனவே, தாமிரபரணி ஆற்றங்கரையோர கிராம மக்கள் மாவட்ட நிர்வாகத்திற்கு ஒத்துழைப்பு தந்து தங்களது குடியிருப்புகளிலிருந்து வெளியேறிப் பாதுகாப்பான பகுதிகளுக்கு /அருகிலுள்ள நிவாரண முகாம்களுக்குச் செல்லுமாறு அறிவுறுத்தப்படுகிறது.

மாவட்ட ஆட்சியர், தூத்துக்குடி

வெங்கட் பிரபு இயக்கத்தில் விஜய், பிரபுதேவா, சினேகா நடித்து வரும் தளபதி 68 படத்திற்கு பாஸ் என தலைப்பு வைக்கப்பட்டுள்ளதாக தகவல் கசிந்துள்ளது.

தூத்துக்குடி காயல்பட்டினத்தில் கடந்த 24 மணி நேரத்தில் 932 மி.மீ. (இது அந்த பகுதியின் ஒரு ஆண்டில் பெய்ய வேண்டிய மழையை விட அதிகம்). 24 மணி நேரத்தில் தமிழகத்தில் இதுவரை இல்லாத அளவுக்கு சமவெளிப் பகுதிகளில் பதிவான அதிகபட்ச மழை என்றால் அது 1992ல் பதிவான காக்காச்சி (மாஞ்சோலை) 965 மி.மீ. அளவு பெய்தது தான். அதன் பிறகு  பெய்த 2வது அதிக மழையும் இதுவாகும் - தமிழ்நாடு வெதர்மேன் ட்வீட்.

நாடாளுமன்ற பாதுகாப்பு மீறல் குறித்து அலுவல்களை ஒத்திவைத்து விவாதம் நடத்த கோரி மாநிலங்களவையில் திமுக எம்.பி. திருச்சி சிவா நோட்டீஸ் அளித்துள்ளார்

தற்போது புயல் சின்னமோ அல்லது காற்றழுத்த தாழ்வு மண்டலமோ உருவாகாத நிலையில் தென் மாவட்டங்களில் இந்த திடீர் கனமழை பெய்ய  என்ன காரணம்? இதுகுறித்து விரிவாக பார்க்கலாம். 

ரசிகர்களுடன் இன்ஸ்டாகிராம் வாயிலாக கலந்துரையாடிய நடிகை சமந்தா, தான் இரண்டாவது திருமணம் பற்றி யோசிக்காதது ஏன் என விளக்கம் அளித்துள்ளார்.

திமுகவை அனைத்து கூட்டணி கட்சிகளும் விமர்சித்து வரும் நிலையில், திமுகவுடனான காங்கிரஸ் உள்ளிட்ட கட்சிகளின் கூட்டணி தானாகவே கலைந்து விடும் - அதிமுக முன்னாள் அமைச்சர் ஜெயக்குமார் தெரிவித்துள்ளார்.

நெல்லை உள்ளிட்ட தென் மாவட்டங்களில் மழையானது கொட்டித்தீர்த்து வருவதால் அனைத்து பகுதியும் வெள்ளக்காடாக காட்சி அளிப்பதால் 7 மாவட்டங்களில் உள்ள பள்ளி மற்றும் கல்லூரிகளுக்கு விடுமுறை அறிவிக்கப்பட்டுள்ளது
 

நெல்லை, தூத்துக்குடி, கன்னியாகுமரி உள்ளிட்ட மாவட்டங்களில் வரலாறு காணாத மழையானது பதிவாகியுள்ளது. இதன் காரணமாக வீடுகளுக்குள் மழை நீர் புகுந்துள்ளது. தாமிரபரணி, மணிமுத்தாறு உள்ளிட்ட முக்கிய ஆற்றில் வெள்ளப்பெருக்கு ஏற்பட்டுள்ளது