Tamil News Live Updates: சரத் பவாரை கட்சியில் இருந்து நீக்கிய அஜித் பவார்

சென்னையில் நடுரோட்டில் டீ கடையில் நின்று கொண்டிருந்த நபர்களை செருப்பால் அடித்து விட்டு போக்குவரத்து காவல்துறை அதிகாரியை  தாக்க முயன்ற பெண்களால் பரபரப்பு ஏற்பட்டது.

எதிர்க்கட்சியினர்களிடையே ஒற்றுமை இருக்கின்றதா என்பது கேள்விக்குறியாக உள்ளது என்று கூறியுள்ளார் ஜார்கண்ட் ஆளுநர் சி.பி.ராதாகிருஷ்ணன்.

OnePlus Nord 3 ரூ. 33,999, Nord Buds 2r ரூ. 2,199 விலையில் கிடைக்கும் என்று ஒன்பிளஸ் நிறுவனம் தெரிவித்துள்ளது.

மேற்கு திசை காற்றின் வேக மாறுபாடு காரணமாக தமிழகம் மற்றும் கேரளாவில் சில இடங்களில் மழை பெய்து வருகிறது. பள்ளி மற்றும் கல்லூரிகளுக்கு விடுமுறை அளிக்கப்பட்டுள்ளது.

தமிழ்நாடு முழுவதும் புதிய இளைஞரணி நிர்வாகிகள் பட்டியலை வெளியிட்டுள்ளது திமுக.

கோவை அருகே தனியார் கல்லூரியில் சுவர் இடிந்து விழுந்து ஐந்து பேர் உயிரிழந்த சம்பவம் தொடர்பாக இருவர் கைது செய்யப்பட்டுள்ளனர்.

செந்தில் பாலாஜி கைது செய்யப்பட்டவுடன் அவரை நீதிமன்றத்தில் ஆஜர் படுத்தக் கோரி, அவரது மனைவி மேகலா உயர்நீதிமன்றத்தில் ஆட்கொணர்வு மனு  தாக்கல் செய்திருந்தார்.

இந்தியாவில் மாருதி சுசூகி இன்விக்டோ அறிமுகப்படுத்தப்பட்டுள்ளது. இதன் சிறப்பு அம்சங்கள், விலை மற்றும் பிற விவரங்களை காண்போம்.

ஆளுநர் தனது கடமையை செய்ய வேண்டும். அரசியல் பேசக் கூடாது என்று கூறியுள்ளார் பாஜக மாநில தலைவர் அண்ணாமலை.

என்சிபி கட்சியின் தேசியத் தலைவர் பதவியில் இருந்து சரத் பவாரை நீக்குகிறார் அஜித் பவார். இது தொடர்பாக தேர்தல் ஆணையத்திடம் மனுவை அளித்துள்ளார்.

ஆப்பிள் நிறுவனத்தின் ஐபோன் 15 சீரிஸ் விரைவில் வெளியாக உள்ள நிலையில், அதைப் பற்றி பல்வேறு விவரங்கள் கசிந்துள்ளது.

முகேஷ் அம்பானியின் சொத்து மதிப்பானது, ஒரே நாளில் 2.35 பில்லியன் டாலர்கள் அதிகரித்துள்ளது. இது சுமார் 19,000 கோடி ரூபாய் ஆகும்.

ஆட்டோமொபைல் துறையின் முன்னணி நிறுவனமான மஹிந்திரா & மஹிந்திரா-வின் ஆராய்ச்சி மற்றும் மேம்பாட்டு மையம் கோவையில் அமையவுள்ளது

பாஜக ஆட்சியில் பழங்குடியின சகோதர சகோதரிகள் மீதான வன்கொடுமைகள் அதிகரித்து வருவதாக காங்கிரஸ் முன்னாள் தலைவர் ராகுல் காந்தி தெரிவித்துள்ளார்

உயர்நீதிமன்ற மதுரைக்கிளை அமைந்தது முன்னாள் முதலமைச்சர் கருணாநிதி போட்ட பிச்சை என பேசியதற்கு அமைச்சர் எ.வ.வேலு வருத்தம் தெரிவித்தார். 

உயர்நீதிமன்ற மதுரைக்கிளை அமைந்ததுது கலைஞர் போட்ட பிச்சை என அமைச்சர் எ.வ.வேலு பேச்சுக்கு அண்ணாமலை கண்டனம் தெரிவித்துள்ளார். 

உலக சராசரி வெப்பநிலை அபாய கட்டத்தைக் கடந்துள்ளது பெரும் அதிர்ச்சியை ஏற்படுத்தியுள்ளது

குழந்தைகளை கைவிட்ட பெற்றோர் திருத்தப்பட்ட சட்டத்தின் பலன்களை பெற முடியாது என சிங்கப்பூர் அரசு தெரிவித்துள்ளது

மத்திய அமைச்சரவை மாற்றத்தின்போது, சில அமைச்சர்களது பதவி பறிக்கப்பட வாய்ப்புள்ளதாக தகவல்கள் வெளியாகியுள்ளன

நாகாலாந்து மாநிலம் திமாபூர் அருகே நெடுஞ்சாலையில் நின்று கொண்டிருந்த கார்கள் மீது பாறை மோதிய விபத்தில் 2 பேர் உயிரிழந்துள்ளனர்

அரசு மருத்துவர்கள் குறித்த நேரத்திற்கு வர வேண்டும் என காதாரத்துறை செயலாளர் ககன்தீப்சிங் பேடி உத்தரவிட்டுள்ளார்

நான் எனது பிறந்தநாளை கொண்டாடுவதில்லை என திருமண நிகழ்ச்சியில்  பேசிய பாஜக மாநில தலைவர் அண்ணாமலை தெரிவித்துள்ளார்

அதிமுக முன்னாள் அமைச்சர்கள் மீதான ஊழல் வழக்குகளின் விசாரணையை தொடங்க அனுமதி வழங்க வேண்டும் என்று ஆளுநர் ரவிக்கு, சட்டத்துறை அமைச்சர் ரகுபதி கடிதம் எழுதியுள்ளார்.

தென்னிந்திய திரையுலகில் முன்னணி நடிகையாக வலம் வந்துகொண்டிருக்கும் சமந்தா, சினிமாவை விட்டு தற்காலிகமாக விலக முடிவெடுத்துள்ளாராம்.

தூத்துக்குடி மாவட்டத்தில் அமைச்சர் கீதா ஜீவனுடன் மாமன்னன் படம் பார்க்கச் சென்ற திமுகவினர் திரையரங்கில் இனாமாக பாப்கார்ன் கேட்டு தகராறு செய்த நிலையில், அவர்கள் மீது காவல் நிலையத்தில் வழக்குப்பதிவு செய்யப்பட்டுள்ளது.

அமைச்சர் செந்தில் பாலாஜி வழக்கில் நீதிபதி சி.வி.கார்த்திகேயன் 3வது நீதிபதியாக நியமனம் செய்யப்பட்டுள்ளார். ஆட்கொணர்வு வழக்கில் இரு நீதிபதிகள் மாறுபட்ட தீர்ப்பு காரணமாக வழக்கு மூன்றாவது நீதிபதி விசாரணைக்கு பரிந்துரைக்கப்பட்டது. 

சென்னை மெட்ரோ ரயில் பணிகள் நடைபெறுவதால் நாளை முதல் ஒரு வருடத்திற்கு மெரினா கடற்கரையின் சர்வீஸ் சாலையில் வாகனங்களுக்கு அனுமதி இல்லை என சென்னை போக்குவரத்து காவல்துறை அறிவித்துள்ளது. 

லோகேஷ் கனகராஜ் இயக்கத்தில் விஜய் நாயகனாக நடித்து வரும் லியோ திரைப்படத்தில் நடிகர் தனுஷ் கேமியோ ரோலில் நடிக்க உள்ளதாக தகவல் வெளியாகி உள்ளது.

மேகதாது விவகாரத்தில் கர்நாடக மாநில காங்கிரஸ் புதிய நாடகத்தை அரங்கேற்றுகிறது என எதிர்க்கட்சி தலைவர் எடப்பாடி பழனிசாமி குற்றம்சாட்டியுள்ளார். 

தங்கத்தின் விலை கடந்த சில நாட்களாக தொடர்ந்து  ஏற்றம், இறக்கம் கண்டு வந்த நிலையில் இன்றைய தங்கம் விலை நிலவரத்தை காணலாம்.

தேசியவாத காங்கிரஸ் கட்சி-க்குள் பிளவு ஏற்பட்டுள்ள நிலையில், சரத் பவாரும், அஜித் பவாரும் தனித்தனியாக எம்.எல்.ஏ.க்கள் கூட்டத்தை இன்று கூட்டியுள்ளனர்

பாஜக மாநிலத் தலைவர் அண்ணாமலை தலைமையில் திண்டிவனத்தில் 39 ஜோடிகளுக்கு திருமணம் நடைபெறவுள்ளது

கோவை சுகுணாபுரம் பகுதியில் தனியார் கல்லூரி சுற்றுச்சுவர் இடிந்து 5 பேர் உயிரிழந்த விவகாரத்தில், தனியார் கட்டுமான நிறுவன உரிமையாளர் உள்ளிட்ட 3 பேர் மீது வழக்குப் பதிவு செய்யப்பட்டுள்ளது. 

தமிழகத்தில் அடுத்த 3 மணிநேரத்தில் நெல்லை, தென்காசி, விருதுநகர் உள்ளிட்ட 25 மாவட்டங்களில் லேசானது முதல் மிதமான மழைக்கு வாய்ப்புள்ளது என சென்னை வானிலை மையம் தெரிவித்துள்ளது. 

கோவையில் தனியார் கல்லூரி சுற்றுச்சுவர் இடிந்து விழுந்த விபத்தில் பலியானோர் எண்ணிக்கை 5ஆக உயர்ந்துள்ளது. இந்த சம்பவம் தொடர்பாக போலீசார் வழக்குப்பதிவு செய்து விசாரணை நடத்தி வருகின்றனர். 

கனமழை காரணமாக கோவை மாவட்டம் வால்பாறை தாலுகாவில் உள்ள பள்ளிகளுக்கு மட்டும் இன்று விடுமுறை அறிவிக்கப்பட்டுள்ளது. 

சென்னையில் மின்வாரிய பராமரிப்பு காரணமாக காலை 9 மணி முதல் மதியம் 2 மணி வரை தாம்பரம், கிண்டி, போரூர் உள்ளிட்ட பகுதியில் மின் விநியோகம் நிறுத்தப்படுவதாக மின்வாரியம் அறிவித்துள்ளது.

குழந்தையை பற்றி சுகாதாரத்துறை அமைச்சர் மா.சுப்பிரமணியன் பொறுப்பற்ற முறையில் பேசியிருப்பது கண்டனத்திற்குரியது என ஜெயக்குமார் கூறியுள்ளார்.  

சென்னையில் 410வது நாளாக பெட்ரோல் - டீசல் விலையில் எந்த மாற்றமும் இல்லை. ஒரு லிட்டர் பெட்ரோல் ரூ. 102.63க்கும், டீசல் - ரூ. 94.24க்கும் விற்பனை செய்யப்படுகிறது.