காத்துவாக்குல 3 காதல்! ஏமாற்றிய சிம்பு, பிரபுதேவா... காப்பாற்றிய விக்கி - நயன்தாராவின் ஃபுல் லவ் ஸ்டோரி இதோ
சினிமாவில் ஏராளமான காதல் சர்ச்சைகளில் சிக்கினாலும் இறுதியாக காதல் திருமணம் செய்து கெத்து காட்டிய லேடி சூப்பர்ஸ்டார் நயன்தாராவின் லவ் ஸ்டோரி பற்றி பார்க்கலாம்.
Nayanthara Love Story
நடிகை நயன்தாரா, கேரளாவில் தொகுப்பாளினியாக பணியாற்றி வந்தார். சினிமா மீதுள்ள ஆர்வம் காரணமாக நடிக்க வந்த நயனுக்கு கைகொடுத்தது தமிழ் படங்கள் தான். 2005-ம் ஆண்டு ஹரி இயக்கத்தில் வெளிவந்த ஐயா படத்தில் சரத்குமாருக்கு ஜோடியாக நடித்ததன் மூலம் கோலிவுட்டில் எண்ட்ரி கொடுத்தார் நயன்தாரா. இதையடுத்து சூப்பர்ஸ்டார் ஜோடியாக சந்திரமுகி, தளபதி விஜய்யுடன் வில்லு, சூர்யாவுடன் கஜினி என அடுத்தடுத்து முன்னணி நடிகர்களின் படங்களில் நடித்து குறுகிய காலத்திலேயே பேமஸ் ஆனார் நயன்.
Simbu Nayanthara
சினிமாவில் எந்த அளவுக்கு பிரபலமாக உள்ளாரோ அந்த அளவுக்கு சர்ச்சைகளிலும் சிக்கி இருக்கிறார் நயன்தாரா. அதன்படி அவர் அதிகப்படியாக சிக்கியது காதல் சர்ச்சையில் தான். சிம்புவுடன் வல்லவன் படத்தில் நடித்தபோது அவருடன் நெருங்கி பழகினார் நயன். அந்த பழக்கம் நாளடைவில் காதலாக மாறியது. இருவரும் ஜோடியாக பட விழாக்களில் கலந்துகொண்டு தங்களது காதலையும் உறுதிப்படுத்தினர். பின்னர் ஓரிரு ஆண்டுகளில் இருவருக்கும் இடையே ஏற்பட்ட கருத்து வேறுபாடு காரணமாக அவர்களது காதல் தோல்வியில் முடிந்தது.
Simbu Nayanthara Break Up
சிம்புவும், நயன்தாராவும் பிரேக் அப் செய்து பிரிந்த பின்னர், அவர்கள் இருவரும் படுக்கையறையில் நெருக்கமாக இருக்கும்போது எடுத்த புகைப்படங்கள் வெளியாகி பரபரப்பை ஏற்படுத்தியது. இந்த காதல் தோல்விக்கு பின் சில ஆண்டுகள் சிம்புவுடன் நடிப்பதை தவிர்த்து வந்த நயன்தாரா, பின்னர் மீண்டும் அவருடன் நட்புடன் பழகத் தொடங்கினார். அதன்பின்னர் இருவரும் பாண்டிராஜ் இயக்கிய இது நம்ம ஆளு என்கிற திரைப்படத்தில் ஜோடியாகவும் நடித்திருந்தனர்.
இதையும் படியுங்கள்... தோல்வியில் முடிந்த முதல் காதல்... தேவதை போல் வந்த நயன்- முன்னாள் காதலி பற்றி முதன்முறையாக பேசிய விக்னேஷ் சிவன்
Nayanthara, Prabhu deva
சிம்பு உடனான காதல் தோல்வியில் முடிந்த பின்னர் இயக்குனர் பிரபுதேவா மீது காதல் வயப்பட்டார் நயன்தாரா. பிரபுதேவாவுக்கு ஏற்கனவே திருமணமாகி மனைவி, குழந்தைகள் இருந்த நிலையில், அவர் நயன்தாராவை வெளிப்படையாக காதலித்தது மிகவும் பரபரப்பாக பேசப்பட்டது. இந்த விஷயம் பிரபுதேவாவின் மனைவி காதுக்கு சென்றதும் அவர், நயன்தாராவை நேரில் பார்த்தால் செருப்பால் அடிப்பேன் என பேட்டி அளித்து பரபரப்பை ஏற்படுத்தினார். இதையெல்லாம் பற்றி கவலைப்படாத பிரபுதேவா, நயனை திருமணம் செய்துகொள்ள ஏற்பாடுகளை செய்து வந்தார்.
Nayanthara, Prabhu deva Break up
அந்த சமயத்தில் பிரபுதேவாவின் பெயரை தனது கையில் பச்சைக்குத்திக் கொண்ட நயன்தாரா, திருமணத்துக்கு பின் சினிமாவில் இருந்து விலகவும் முடிவெடுத்தார். சீதா ராமராஜ்ஜியம் என்கிற தெலுங்கு படம் தான் தனது கடைசி படம் என அறிவித்ததோடு, அதன் ஷூட்டிங் முடியும் போது நயன்தாரா கண்ணீர்மல்க விடைபெற்ற வீடியோ வெளியானது. ஆனால் இந்த காதலும் கைகூடாமல் போனதால், தன் கையில் பச்சைகுத்திய பிரபுதேவா பெயரை அழித்து பாசிடிவிட்டி என மாற்றிக்கொண்டார்.
இதையும் படியுங்கள்... உயிரும் உலகமும் நீங்களே.. மகன்களோடு சில்லென்ற பயணம் - கியூட் வீடியோ வெளியிட்ட லேடி சூப்பர் ஸ்டார் நயன்!
Nayanthara Vignesh shivan
இப்படி 2 காதல் தோல்விகளை சந்தித்தாலும் நயன்தாராவுக்கு காதல் மீதான நம்பிக்கையும், உண்மை காதலுக்கான தேடலும் போகவில்லை. அந்த சமயத்தில் தான் அவரது வாழ்க்கையில் எண்ட்ரி கொடுத்தார் விக்கி. நானும் ரவுடி தான் படத்தில் ஹீரோயினாக நடிக்க நயன்தாராவை அணுகி அவரிடம் கதை சொல்ல சென்ற விக்னேஷ் சிவனை நயன்தாராவுக்கு மிகவும் பிடித்துப்போனது. அப்படத்தின் ஷூட்டிங் சமயத்தில் இருவரும் உருகி உருகி காதலித்து வந்தனர்.
Nayanthara husband Vignesh shivan
ஏற்கனவே இரண்டு முறை நயன்தாராவின் காதல் தோல்வியில் முடிந்ததால் மூன்றாவதாக விக்கி உடனான அவரது காதலும் தோல்வியில் தான் முடியும் என பலரும் அவரை விமர்சனம் செய்துவந்தனர். அதையெல்லாம் தவிடுபொடியாக்கி உண்மை காதல் ஜெயிக்கும் என்பதை நிரூபிக்கும் விதமாக விக்னேஷ் சிவனை கடந்த 2022-ம் ஆண்டு கரம்பிடித்தார் நயன்தாரா. இந்த ஜோடிக்கு அழகான இரட்டை ஆண் குழந்தைகளும் உள்ளன. இதுவரை காதலர்களாக காதலர் தினத்தை கொண்டாடிய விக்கி - நயன் ஜோடி தற்போது கணவன் - மனைவியாக காதலர் தினத்தை கொண்டாடி வருகின்றனர்.
இதையும் படியுங்கள்... பையா முதல் தி லெஜண்ட் வரை... ‘ஆள விடுங்க நான் நடிக்கவே மாட்டேன்’ என நயன்தாரா ரிஜெக்ட் பண்ணிய படங்கள் இத்தனையா?