படையப்பா பாடலில் வரும் இந்த குழந்தையை ஞாபகம் இருக்கா? இப்ப பிரபல சீரியல் நடிகை..

இந்தியாவின் உச்ச நடிகர்களில் நடிகர் ரஜினிகாந்தும் ஒருவர். 1970களில் அபூர்வ ராகங்கள் மூலம் அறிமுகமான ரஜினி சில ஆண்டுகளிலேயே தமிழ் சினிமாவின் சூப்பர் ஸ்டாராக மாறினார். கிட்டத்தட்ட 45 ஆண்டுகளாக சூப்பர் ஸ்டாராகவே ரஜினி இருந்து வருகிறார். 

குறிப்பாக 90களில் ரஜினி உச்சத்தில் இருந்த போது முத்து, பாட்ஷா, அண்ணாமலை, படையப்பா ஆகிய மெகா ஹிட் படங்கள் 90களில் வெளியான படங்கள் தான். இன்னும் சொல்லப்போனால் 1999-ம் ஆண்டு வெளியான படையப்பா படத்திற்கு பிறகு தான் தமிழ் சினிமாவில் நடிகர் ரஜினியின் ஆதிக்கம் அதிகரித்து வருகிறது. 

கே.எஸ். ரவிக்குமார் இயக்கிய படையப்பா படத்தில் ரஜினிகாந்த், சௌந்தர்யா, ரம்யா கிருஷ்ணன், நாசர், சிவாஜி கணேசன், லக்ஷ்மி உள்ளிட்ட பலர் முக்கிய கதாப்பாத்திரங்களில் நடித்தனர். இந்த படத்தில் நீலாம்பரி என்ற நெகட்டிவ் கேரக்டரில் ரம்யா கிருஷ்ணன் மிரட்டி இருப்பார்.

இந்த படத்தின் பிரம்மாண்ட வெற்றி ரஜினி, கே.எஸ். ரவிக்குமாரின் திரை வாழ்க்கையில் திருப்பு முனையாக அமைந்தது. அதே போல் படையப்பா படத்திற்கு பின்னர் தான் ரஜினி - கே.எஸ். ரவிக்குமார் இடையேயான நட்பு மேலும் அதிகமாகி இருவரும் நெருங்கிய நண்பர்களாக மாறினர்.

ஏ.ஆர். ரஹ்மான் இசையில் உருவான படையப்பா படத்தில் இடம்பெற்ற அனைத்து பாடல்களுமே சூப்பர் டூப்பர் ஹிட் ஆனது. அந்த வகையில் படையப்பா படத்தில் ரஜினியின் இண்ட்ரோ பாடலாக இடம்பெற்ற என் பேரு படையப்பா பாடல் பட்டி தொட்டி எங்கும் ஹிட் ஆனது. 

ஆனால் இந்த பாடலில் இடம்பெற்ற குழந்தை தற்போது ஒரு சீரியல் நடிகையாக இருக்கிறார் என்றால் உங்களால் நம்ப முடிகிறதா? உண்மை தான். அந்த பாடலில் ” பாசமுள்ள மனிதனப்பா.. நான் மீச வச்ச குழந்தையப்பா” என்ற வரியின் போது குழந்தையின் முகம் ரஜினி முகமாக மாறும்.

இந்த குழந்தை தான் தற்போது சீரியலில் கலக்கி வரும் ஹேமா பிந்து. இவர் தற்போது பல சீரியல்களில் நடித்து வருகிறார். படையப்பா பாடலில் இடம்பெற்ற சின்ன குழந்தை தான் தற்போது வளர்ந்து நடிகையாக மாறி உள்ளார்.