ரஜினியின் அப்பாவை பார்த்திருங்கீங்களா? யாரும் பார்த்திடாத பழைய போட்டோ இதோ..

இந்திய சினிமாவின் தவிர்க்க முடியாத நடிகர்களில் சூப்பர்ஸ்டார் ரஜினிகாந்தும் ஒருவர். இவருக்கும் தமிழ்நாடு மட்டுமின்றி, இந்தியா மட்டுமின்றி உலகம் முழுவதும் லட்சக்கணக்கான ரசிகர்கள் உள்ளனர். ரஜினியின் படம் இப்போதும் திருவிழா போல் கொண்டாடப்பட்டு வருகிறது.

அந்த வகையில் நெல்சன் இயக்கத்தில் ரஜினி நடிப்பில் ஜெயிலர் படம் உலகளவில் 600 கோடிக்கும் மேல் வசூல் செய்து சாதனை படைத்தது. எனவே பாக்ஸ் ஆபிஸ் கிங், ரெக்கார்டு மேக்கராக ரஜினிகாந்த் கருதப்படுகிறார். இப்படம் 23 நாட்களில் 640 கோடி ரூபாய் வசூல் செய்து பல்வேறு சாதனைகளை முறியடித்தது. இப்படம் உலக அளவில் அதிக வசூல் செய்த 2-வது தமிழ் படமாகும்.

எனவே புதிய சாதனைகளை படைப்பதோ அல்லது ஏற்கனவே உள்ள சாதனைகளை முறியடிப்பதோ நடிகர் ரஜினிக்கும் ஒன்றும் புதிதல்ல. இதன் காரணமாகவே ரஜினிகாந்திற்கு அதிக சம்பளம் கொடுக்க தயாரிப்பாளர்கள் முன் வருகின்றனர்.

தற்போது ஆசியாவிலேயே அதிக சம்பளம் வாங்கும் நடிகராக நடிகர் ரஜினிகாந்த் மாறி உள்ளார். தற்போது ஞானவேல் இயக்கத்தில் வேட்டையன் என்ற படத்தில் ரஜினி தற்போது நடித்து வருகிறார். 

இந்த படத்தை தொடர்ந்து லோகேஷ் கனகராஜ் இயக்கத்தில் ரஜினிகாந்த் நடிக்க உள்ளார். மேலும் தனது மகள் ஐஸ்வர்யா ரஜினிகாந்த் இயக்கி உள்ள லால் சலாம் படத்தில் சிறப்பு தோற்றத்தில் நடித்துள்ளார்.

இந்த நிலையில் ரஜினி தனது தந்தையுடன் இருக்கும் பழைய புகைப்படம் இணையத்தில் வைரலாகி வருகிறது. ராமோஜி ராவ் ஜெய்க்வாட் ஜீஜாபாய் தான் ரஜினியின் பெற்றோர் ஆவர்.

பல்வேறு பிரபலங்களின் சிறு வயது புகைப்படங்கள் அவ்வப்போது இணையத்தில் வெளியாகும். அந்த வகையில் ரஜினி கண்டக்டராக இருந்த போது எடுக்கப்பட்ட புகைப்படங்கள் கூட ஏற்கனவே வெளியானது.

ஆனால் தனது பெற்றோருடன் இருக்கும் புகைப்படங்கள் இதுவரை யார் கண்ணிலும் பட்டதில்லை. இந்த சூழலில் ரஜினி தனது தந்தையுடன் அமர்ந்து பேசிக் கொண்டிருக்கும் யாரும் பார்த்திடாத புகைப்படம் இணையத்தில் ட்ரெண்டாகி வருகிறது.