காக்க காக்க படத்தில் நடிக்க கவுதம் மேனனின் பர்ஸ்ட் சாய்ஸ் இவரா? தவறவிட்ட மாஸ் நடிகர்... தட்டி தூக்கிய சூர்யா!

தமிழ் சினிமாவில் வெளிவந்த மாஸ்டர் பீஸ் படங்களுள் ஒன்று காக்க காக்க. கவுதம் வாசுதேவ் மேனன் இயக்கத்தில் நடிகர் சூர்யா முதன்முறையாக நடித்த திரைப்படம் இது. இப்படத்தில் சூர்யாவுக்கு ஜோடியாக நடிகை ஜோதிகா நடித்திருந்தார். அவர்களின் காதல் பலமானதும் இப்படத்தின் மூலம் தான். நடிகர் சூர்யா முதன்முறையாக போலீஸ் வேடத்தில் நடித்த படமும் இதுதான். இப்படத்தில் அன்புச்செல்வன் என்கிற கேரக்டரில் செம்ம மாஸாகவும் கிளாஸாகவும் நடித்திருப்பார் சூர்யா.

காக்க காக்க திரைப்படத்தில் சூர்யாவுக்கு நிகராக வில்லன் கேரக்டரில் மிரட்டலான நடிப்பை வெளிப்படுத்தி அசத்தி இருப்பார் ஜீவன். மேலும் இப்படத்திற்கு மிகப்பெரிய பலமாக அமைந்தது அதன் இசையும் பாடல்களும் தான். சூர்யா ஜோதிகா ரொமான்ஸில் பின்னிபெடலெடுத்த ஒன்றா ரெண்டா ஆசைகள் பாடலாகட்டும், ஜோதிகாவின் இண்ட்ரோ பாடலாகட்டும் ஒவ்வொன்றும் வேறலெவல் ஹிட் அடித்தன. இதற்கு காரணம் ஹாரிஸ் ஜெயராஜ் தான்.

இதையும் படியுங்கள்... விஜய், அஜித், ரஜினியெல்லாம் லிஸ்ட்லயே இல்ல.. சிறந்த நடிகருக்கான தேசிய விருது வாங்கிய தமிழ் ஹீரோஸின் லிஸ்ட் இதோ

கவுதம் மேனன் கெரியரில் மறக்க முடியாத படமாக அமைந்த இப்படத்தை கலைப்புலி எஸ் தாணு தான் தயாரித்து இருந்தார். இதில் ஒரு ஆச்சர்ய தகவல் என்னவென்றால், காக்க காக்க படத்தின் கதை நடிகர் சூர்யாவுக்காக எழுதப்பட்டது இல்லையாம். இப்படத்தின் கதையை நடிகர் விஜய்யை மனதில் வைத்து தான் எழுதி இருந்தாராம் கவுதம் மேனன். ஆனால் அந்த சமயத்தில் விஜய் வேறு படங்களில் பிசியாக இருந்ததால் அவரால் இப்படத்தில் நடிக்க முடியாமல் போனது.

தளபதி தவறவிட்ட வாய்ப்பை தட்டிதூக்கிய சூர்யா, தன்னைவிட சிறப்பாக இந்த அன்புச்செல்வன் கேரக்டரில் யாராலும் நடிக்க முடியாது என்பதை நிரூபித்துக் காட்டிவிட்டார். காக்க காக்க படத்துக்கு பின்னர் விஜய்க்காக யோஹன் என்கிற படத்தை இயக்க திட்டமிட்டு இருந்தார் கவுதம் மேனன். இதற்காக போட்டோஷூட்டெல்லாம் நடத்தி போஸ்டரெல்லாம் வெளியிட்டனர். ஆனால் சில காரணங்களால் அப்படமும் ஷூட்டிங் தொடங்கும் முன்பே டிராப் ஆகிவிட்டது.

இதையும் படியுங்கள்... உறைபனியில் ஜோவுடன் செம என்ஜாய்.. புத்தாண்டை பின்லாந்தில் கொண்டாடிய சூர்யா - லவ்லி வைரல் புகைப்படங்கள் இதோ!