விஜய், அஜித், ரஜினியெல்லாம் லிஸ்ட்லயே இல்ல.. சிறந்த நடிகருக்கான தேசிய விருது வாங்கிய தமிழ் ஹீரோஸின் லிஸ்ட் இதோ
சிறந்த நடிகருக்கான தேசிய விருதை வென்ற தமிழ் நடிகர்கள் யார் யார் என்பதை பற்றி இந்த தொகுப்பில் விரிவாக பார்க்கலாம்.
இந்திய அளவில் சினிமா நட்சத்திரங்களுக்கு உயரிய விருதாக கருதப்படுவது தேசிய விருது தான். இவ்விருது விழா ஆண்டுதோறும் நடத்தப்பட்டு பல்வேறு மொழி படங்களில் இருந்து சிறந்த படைப்புகளையும், கலைஞர்களையும் தேர்ந்தெடுத்து அவர்களுக்கு விருது வழங்கி கவுரவிப்பர். அந்த வகையில், தமிழ் சினிமா வரலாற்றில் இதுவரை ஆறு நடிகர்கள் மட்டுமே சிறந்த நடிகருக்கான தேசிய விருதை வென்றுள்ளனர். அவர்கள் யார் என்பதை பார்க்கலாம்.
Ulaga Nayagan Kamalhaasan
கோலிவுட் வரலாற்றில் சிறந்த நடிகருக்காக அதிக முறை தேசிய விருது வாங்கியது கமல்ஹாசன் தான். சிறுவயதில் இருந்தே சினிமாவில் நடித்து வரும் கமல்ஹாசன் மூன்று முறை சிறந்த நடிகருக்கான தேசிய விருதை வாங்கி இருக்கிறார். அதன்படி முதன்முதலில் மூன்றாம் பிறை படத்துக்காக அவ்விருதை வாங்கிய அவர், பின்னர் நாயகன் மற்றும் இந்தியன் படங்களுக்காக அவ்விருதினை பெற்று தமிழ் சினிமாவிற்கு பெருமை சேர்த்தார்.
இதையும் படியுங்கள்... ஒரு தங்கரதத்தில் பொன்மஞ்சள் நிலவு... பவதாரிணி உடன் எடுத்த கடைசி புகைப்படத்தை பகிர்ந்து வெங்கட் பிரபு உருக்கம்
கமலுக்கு அடுத்தபடியாக அதிக முறை சிறந்த நடிகருக்கான தேசிய விருதை வாங்கியவர் தனுஷ். இவர் ஆடுகளம் மற்றும் அசுரன் ஆகிய படங்களுக்காக அவ்விருதை வாங்கினார். இதையடுத்து எம்.ஜி.ஆர், சீயான் விக்ரம், சூர்யா, பிரகாஷ் ராஜ் ஆகியோர் தலா ஒரு முறை சிறந்த நடிகருக்கான தேசிய விருதை வென்றுள்ளனர்.
எம்.ஜி.ஆருக்கு கடந்த 1971-ம் ஆண்டு வெளியான ரிக்ஷாக்காரன் படத்துக்காக சிறந்த நடிகருக்கான தேசிய விருது வழங்கப்பட்டது. இதேபோல் பிதாமகன் படத்துக்காக விக்ரமிற்கும், காஞ்சிவரம் படத்திற்காக பிரகாஷ் ராஜுக்கும், சூரரைப் போற்று திரைப்படத்திற்காக நடிகர் சூர்யாவிற்கு இவ்விருது வழங்கப்பட்டது.
இதில் ஆச்சர்யம் என்னவென்றால் தமிழ் சினிமாவில் ஜாம்பவான் நடிகர்களாக கருதப்படும் சிவாஜி கணேசன் மற்றும் சூப்பர்ஸ்டார் ரஜினிகாந்த் ஆகியோர் இதுவரை ஒரு முறை கூட தேசிய விருதை வென்றதில்லை. அதேபோல் கோலிவுட்டில் தற்போது டாப் ஹீரோவாக இருக்கும் விஜய், அஜித் ஆகியோருக்கும் தேசிய விருது எட்டாக்கனியாகவே உள்ளது. தமிழ் சினிமாவோடு ஒப்பிடுகையில் தெலுங்கு திரையுலகில் இதுவரை சிறந்த நடிகருக்கான தேசிய விருதை வென்றது ஒரே ஒரு நடிகர் தான். அவர் அல்லு அர்ஜுன் தான். கடந்த ஆண்டு புஷ்பா படத்திற்காக அவர் இவ்விருதை வென்றார் என்பது குறிப்பிடத்தக்கது.
இதையும் படியுங்கள்... Anoushka Ajith: அஜித் மகள் அனோஷ்காவின் அழகை வர்ணிக்க வார்த்தை இல்லை.! ஷாலினி வெளியிட்ட முத்த புகைப்படம் வைரல்!