Anoushka Ajith: அஜித் மகள் அனோஷ்காவின் அழகை வர்ணிக்க வார்த்தை இல்லை.! ஷாலினி வெளியிட்ட முத்த புகைப்படம் வைரல்!

நடிகையும் அஜித்தின் மனைவியுமான ஷாலினி, தற்போது தன்னுடைய மகளின் கியூட் புகைப்படம் ஒன்றை சமூக வெளியிட அது வைரலாகி வருகிறது. 

கோலிவுட் திரையுலகில் அனைத்து தரப்பு ரசிகர்களையும் கவர்ந்த நட்சத்திர ஜோடியாக இருக்கும் அஜித் - ஷாலினி தம்பதி பற்றி தமிழ் ரசிகர்களுக்கு பெரிதாக எந்த ஒரு அறிமுகமும் தேவையில்லை. அஜித் முன்னணி ஹீரோவாக வளர்ந்து கொண்டிருந்த நேரத்தில், நடிகை ஷாலினியுடன் இணைந்து நடித்த அமர்க்களம் திரைப்படம், இவர்கள் இருவருக்கும் இடையே காதல் பாலமாக மாறி வாழ்க்கையில் ஒன்று சேர்த்ததது.

அஜித்தை காதலிக்க துவங்கிய இரண்டே வருடத்தில் அவரை திருமணமும் செய்து கொண்டார் ஷாலினி. திருமணத்திற்கு பின்னர் ஒரேயடியாக திரையுலகில் இருந்து விலகிய ஷாலினி, கடந்த 2022-ஆம் ஆண்டு தான், இன்ஸ்டாகிராம் பக்கத்தில் இணைந்து, அவ்வப்போது தனக்கு பிடித்த புகைப்படங்களை ரசிகர்களுடன் பகிர்ந்து வருகிறார்.

அஜித் - ஷாலினி தம்பதிக்கு அனோஷ்கா என்கிற மகளும் ஆத்விக் என்கிற மகன் ஒருவரும் உள்ள நிலையில், தற்போது ஷாலினி தன்னுடைய மகள் அனோஷ்காவின் சிறிய வயது கியூட் புகைப்படம் ஒன்றை வெளியிட்டு 'மை பேபி' என்கிற கேப்ஷனுடன் பகிர்ந்துள்ளார். இந்த புகைப்படத்தில் ஷாலினி தன்னுடைய மகள் கன்னத்தில் முத்தம் கொடுப்பது போல் உள்ளது. இந்த புகைப்படம் வைரலாக பார்க்கப்பட்டு, இந்த கியூட் புகைப்படத்தை ரசிகர்கள் வர்ணித்து வருகிறார்கள்.

அஜித் மகள் அனோஷ்கா தற்போது 16 வயதை எட்டிய டீன் ஏஜ் பெண்ணாக இருக்கிறார். இந்த மாதம் ஜனவரி 3-ஆம் தேதி அஜித் தன்னுடைய மகளின் பிறந்தநாளை, துபாயில் கப்பலில் கொண்டாடி மகிழ்ந்தார். இதுகுறித்த புகைப்படங்களும் சமூக வலைத்தளத்தில் வெளியாகி வைரலானது குறிப்பிடத்தக்கது.