நடிகை ரகுல் ப்ரீத் சிங்குக்கு... நடிகருடன் திருமணம் ! கல்யாண தேதி குறித்து வெளியான தகவல்.. குவியும் வாழ்த்து!
நடிகை ரகுல் ப்ரீத் சிங்குக்கு, இந்த ஆண்டு திருமணம் செய்து வைக்க அவருடைய குடும்பத்தினர் முடிவெடுத்துள்ளதாகவும் கூறப்படும் நிலையில், திருமண தேதி குறித்த தகவல் வெளியாகி உள்ளது.
Rakul Preeth Singh
கன்னட திரையுலகில், தன்னுடைய 19 வயதில் நடிகையாக அறிமுகமானவர் ரகுல் ப்ரீத் சிங். இதைத்தொடர்ந்து, தமிழில் 'தடையறத் தாக்க', 'என்னமோ ஏதோ' போன்ற படங்களில் நடித்தார்.தமிழில் இவர் நடித்த அடுத்த அடுத்த படங்கள் தோல்வியை தழுவிய நிலையில், ஒரு கட்டத்தில் ராசி இல்லாத நடிகை என, முத்திரை குத்தப்பட்டதால் தமிழ் பட வாய்ப்புகள் கிடைக்காமல் போனது.
![article_image2](https://static-ai.asianetnews.com/images/01hea8zq7gz281b4cya496wmnw/398301588-3753679801585210-281673322571168120-n-jpg_300x374xt.jpg)
Rakul Preeth Singh
பின்னர் அதிரடியாக தெலுங்கு திரை உலகில் நுழைந்த ரகுல், தாராள கவர்ச்சியால் தெலுங்கு ரசிகர்கள் மனதை கொள்ளை கொண்டார். மகேஷ் பாபு, ஜூனியர் என்டிஆர், ராம் சரண் போன்ற முன்னணி ஹீரோக்களுக்கு ஜோடியாக நடித்து, மிக குறுகிய நாட்களில் முன்னணி ஹீரோயின்கள் லிஸ்டில் இடம்பிடித்தார்.
தெலுங்கில் முன்னணி நடிகையாக மாறிய பின்னர், தமிழ் இயக்குனர்கள் மற்றும் தயாரிப்பாளர்களின் கண்களிலும் தென்பட துவங்கிய இவரை... மீண்டும் தமிழில், 'தீரன் அதிகாரம் ஒன்று' படத்தில் கார்த்திக்கு ஜோடியாக நடிக்க வைத்தார் இயக்குனர் எச்.வினோத்.
Rakul Preeth Singh
'தீரன் அதிகாரம் ஒன்று' படத்தின் வெற்றிக்கு பின்னர், மீண்டும் கார்த்திக்கு ஜோடியாக தேவ், சூர்யாவுடன் NGK போன்ற படங்களில் நடித்தார். தற்போது இவர் நடிகர் சிவகார்த்திகேயனுக்கு ஜோடியாக, நடித்து முடித்துள்ள அயலான் திரைப்படம், இந்த ஆண்டு பொங்கல் பண்டிகையை முன்னிட்டு வெளியாக உள்ளது. இதை தொடர்ந்து 'இந்தியன் 2' படத்திலும் நடித்து முடித்துள்ளார்.
Rakul preeth singh
தென்னிந்திய மொழி படங்களில் மட்டுமின்றி பாலிவுட் திரை உலகிலும், படு பிஸியான நடிகையாக வலம் வந்துகொண்டிருக்கும் ரகுல் கடந்த இரண்டு ஆண்டுகளுக்கு மேலாக, பிரபல தயாரிப்பாளரும், நடிகருமான ஜாக்கி பக்னானியை காதலித்து வருகிறார். அவ்வப்போது இருவரும் டேட்டிங் செய்து வருவதையும் வழக்கமாக வைத்துள்ளனர்.
ஏற்கனவே ரகுல் ப்ரீத் சிங், காதல் விவகாரத்தை உறுதி செய்த அவருடைய சகோதரர் விரைவில் திருமணம் நடக்கும் என்பதையும் தெரிவித்தார். இதை தொடர்ந்து, இவர்களின் திருமணம் இந்தாண்டு பிப்ரவரி மாதம் 22-ஆம் தேதி நடைபெற உள்ளதாக புதிய தகவல் ஒன்று வெளியாகியுள்ளது. இதைத்தொடர்ந்து, ரசிகர்கள் பலர் தொடர்ந்து தங்களின் வாழ்த்துக்களை தெரிவித்து வருகிறார்கள்.