'வாரிசு' முதல் 'சந்திரமுகி 2' வரை.. எதிர்பார்ப்புக்கு மத்தியில் வெளியாகி.. ரசிகர்களை ஏமாற்றிய 5 படங்கள்!
இந்த ஆண்டு, மிகப்பெரிய எதிர்பார்ப்புக்கு மத்தியில் வெளியாகி.. வரவேற்பை பெறாமல் போன 5 முக்கிய திரைப்படங்கள் குறித்து இந்த தொகுப்பில் பார்ப்போம்.
வாரிசு:
இந்த ஆண்டு துவக்கத்திலேயே, தளபதி விஜய் நடிப்பில் பொங்கல் பண்டிகையை முன்னிட்டு வெளியான திரைப்படம் 'வாரிசு'. இந்த படத்தை பிரபல தெலுங்கு இயக்குனர் வம்சி இயக்கி இருந்தார். விஜய் மிகவும் ஸ்டைலான, மற்றும் மிகப்பெரிய நட்சத்திர பட்டாளங்கள் நடிப்பில் குடும்ப செடிமென்ட்டை அடிப்படையாக வைத்து, ஆக்ஷன் என்டர்டெயின்மென்ட் திரைப்படமாக வெளியானது. தளபதி ரசிகர்களில் மிகப்பெரிய எதிர்பார்ப்புக்கு மத்தியில், வெளியான இந்த படம்... அரைத்த மாவையே அறைந்தது போல் இப்படத்தின் கதைக்களம் இருந்ததாக விமர்சனங்களுக்கு ஆளானது. சுமார் 300 கோடி வசூலை வாரிய நிலையில்... ரசிகர்கள் மனதில் இடம்பிடிக்காமல் தோல்வியை தழுவியது இப்படம்.
சந்திரமுகி:
சூப்பர் ஸ்டார் ரஜினிகாந்த் நடிப்பில் கடந்த 2005 ஆம் ஆண்டு, வெளியாகி 200 நாட்களுக்கு மேல் ஓடிய திரைப்படம் சந்திரமுகி. இந்த படத்தின் இரண்டாம் பாகத்தை, இயக்குனர் வாசு, ராகவா லாரன்ஸை ஹீரோவாக வைத்து இயக்கி இருந்தார். முதல் பாகத்தின் வெற்றியைத் தொடர்ந்து, ரசிகர்கள் இப்படத்தை அதிகம் எதிர்பார்த்த நிலையில்... படம் படு போர் என வந்த முதல் நாளே விளாசி தள்ளினர் ரசிகர்கள். பல நட்சத்திரங்களுடன் பிக்பட்ஜெட்டில் வெளியான இந்த படம் போட்ட பட்ஜெட்டை கூட வசூல் செய்யவில்லை என கூறப்படுகிறது.
LGM :
கிரிக்கெட் பிரபலமான தோனியின் மனைவி சாக்ஷி, தமிழில் தயாரிப்பாளராக களமிறங்கிய திரைப்படம் 'எல் ஜி எம்' டோனி ப்ரொடக்ஷன்ஸ் நிறுவனம் சார்பில் எடுக்கப்பட்ட இந்த படத்தில், ஹரிஷ் கல்யாண் கதாநாயகனாக நடித்திருந்தார். அவருக்கு ஜோடியாக இவானா நடிக்க, நதியா... ஹரிஷ் கல்யாணி அம்மாவாக நடித்திருந்தார். கதையின் கரு சுவாரஸ்யமானது என்றாலும், இப்படத்தை கொண்டு சென்ற விதமும் சரியாக இல்லாததால் படம் படு தோல்வியை தழுவியது.
ஆதிபுருஷ்:
நடிகர் பிரபாஸ் நடிப்பில், 3டி அனிமேஷன் டெக்னாலஜியில் உருவான திரைப்படம் 'ஆதிபுருஷ்'. ராமாயண கதையை அடிப்படையாக வைத்து உருவான இந்த படத்தில், சிஜி பணிகள் நேர்த்தியாக இல்லாததாலும்... இப்படத்தில் இடம்பெற்ற வசனங்களும் சர்ச்சைக்கு ஆளானது. பொம்மை படம் என விமர்சிக்கப்பட்ட இந்த படம் படு தோல்வியை சந்தித்தது.
Japan Movie
ஜப்பான்:
இயக்குனர் ராஜு முருகன் இயக்கத்தில், கார்த்தி நடிப்பில் இந்த ஆண்டு தீபாவளியை முன்னிட்டு வெளியான திரைப்படம் ஜப்பான். கார்த்தி தொடர்ந்து வித்தியாசமான கதைக்களத்தையும், கதாபாத்திரங்களையும் தேர்வு செய்து அடுத்தடுத்து வெற்றி படங்களை நடித்து வருவதால், 'ஜப்பான்' படத்திற்கும் மிகப்பெரிய எதிர்பார்ப்பு நிலவியது. ஆனால் எதிர்பார்த்த அளவுக்கு இப்படத்தில் ஒன்றுமே இல்லை என்பதே பல ரசிகர்களின் ஆதங்கமாக இருந்தது குறிப்பிடத்தக்கது. மொத்தத்தில் கார்த்தியின் இப்படம் படு தோல்வியை சந்தித்தது.
சேனலை கிளிக் செய்து பின்தொடரவும்
