Vidamuyarchi Update: அஜித் நடிக்கும் 'விடாமுயற்சி' படத்தின் சேட்டிலைட் உரிமையை தட்டி தூக்கிய முன்னணி நிறுவனம்
அஜித் நடிக்கும் 'விடாமுயற்சி' படத்தின் சேட்டிலைட் உரிமையை, மிகப்பெரிய தொகைக்கு முன்னணி தொலைக்காட்சி நிறுவனம் கைப்பற்றி உள்ளதாக தகவல் வெளியாகி உள்ளது.
தல அஜித் 'துணிவு' படத்தின் வெற்றியை தொடர்ந்து, தற்போது இயக்குனர் 'மகிழ் திருமேனி' இயக்கத்தில் நடித்து வரும் திரைப்படம் 'விடாமுயற்சி'. இந்த படத்தில் நீண்ட இடைவெளிக்குப் பின்னர், நடிகை திரிஷா அஜித்துக்கு ஜோடியாக நடித்து வருகிறார். முக்கிய கதாபாத்திரத்தில் ரெஜினா, ஆக்சன் கிங் அர்ஜுன், உள்ளிட்ட பலர் நடித்து வருகின்றனர்.
லைகா நிறுவனம் இந்த படத்தை மிக பிரமாண்ட பட்ஜெட்டில் தயாரித்து வருகிறது. அனிரூத் இசையமைக்கும் இந்த படத்திற்கு, நீரவ் ஷா ஒளிப்பதிவு செய்து வருகிறார். இப்படத்தின் முதல் கட்ட படப்பிடிப்பு, ஏற்கனவே அஜர்பைஜான் நாட்டில் சுமார் 30 நாட்களுக்கு மேல் நடந்த நிலையில், கடந்த மாதம் மீண்டும் பட குழுவினர் அஜர்பைஜான் நாட்டுக்கு இரண்டாம் கட்ட படப்பிடிப்புக்காக சென்றனர்.
இந்தமுறை சுமார் 70 நாட்கள் அங்கு படப்பிடிப்பு நடைபெற உள்ளதாக கூறப்படுகிறது. மேலும் அவ்வபோது படப்பிடிப்பில் இருந்து வெளியாகும் புகைப்படங்களும் வைரலாகி வருகின்றன. அந்த வகையில் ஏற்கனவே அஜித், எடுத்த சில கேண்டிட் புகைப்படம் வெளியான நிலையில், இதைத் தொடர்ந்து அஜித்துடன் திரிஷா இருக்கும் புகைப்படமும் வெளியானது. அதே போல் கடந்த இரண்டு நாட்களுக்கு முன்பு அஜித்துடன் திரிஷா எடுத்து கொண்ட போட்டோ ஒன்றும் ட்விட்டரில் ரசிகர்களால் ட்ரெண்ட் செய்யப்பட்டது.
'விடாமுயற்சி' படம் குறித்து, தொடர்ந்து அடுத்தடுத்த தகவல்கள் வெளியாகி வரும் நிலையில், இப்படத்தின் சாட்டிலைட் உரிமையை, சன் டிவி தொலைக்காட்சி மிகப்பெரிய தொகைக்கு கைப்பற்றி உள்ளதாக கூறப்படுகிறது.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
சேனலை கிளிக் செய்து பின்தொடரவும்
