தாய்லாந்துக்கு ஒரு ஜாலி ட்ரிப்.. குட்டி யானையுடன் கொஞ்சி விளையாடிய ஆதி - நிக்கி கல்ராணி ஜோடியின் Cute கிளிக்ஸ்
நடிகர் ஆதியும் நடிகை நிக்கி கல்ராணியும் தாய்லாந்துக்கு சுற்றுலா சென்றபோது குட்டி யானையுடன் கொஞ்சி விளையாடிய போட்டோஸ் வைரலாகி வருகிறது.
தமிழில் அரவாண், அய்யனார், ஈரம், மரகத நாணயம் போன்ற வித்தியாசமான கதையம்சம் கொண்ட படங்களில் நடித்து மக்கள் மத்தியில் பிரபலமானவர் ஆதி. இவரும் நடிகை நிக்கி கல்ராணியும் நீண்ட நாட்களாக காதலித்து வந்தனர். இந்த ஜோடியின் திருமணம் கடந்த 2022-ம் ஆண்டு நடைபெற்றது. திருமணத்துக்கு பின்னர் நடிகை நிக்கி கல்ராணி படங்களில் நடிக்காவிட்டாலும், ஆதி தொடர்ந்து தமிழ், தெலுங்கு ஆகிய இரு மொழி படங்களிலும் கவனம் செலுத்தி வருகிறார்.
அந்த வகையில் நடிகர் ஆதி நடிப்பில் தற்போது சப்தம் திரைப்படம் உருவாகி உள்ளது. ஈரம் படத்தை இயக்கிய அறிவழகன் தான் இப்படத்தையும் இயக்கி உள்ளார். இதில் நடிகை லட்சுமி மேனன் ஹீரோயினாக நடித்துள்ளார். சப்தம் படத்தின் ஷூட்டிங் முடிந்து ரிலீசுக்கு தயாராகி வருகிறது. சமீபத்தில் வெளிவந்த இப்படத்தின் டீசர் ரசிகர்கள் மத்தியில் ஏகோபித்த வரவேற்பை பெற்றதொடு மட்டுமின்றி படத்தின் மீதான எதிர்பார்ப்பையும் எகிறச் செய்தது.
இதையும் படியுங்கள்... Nayanthara : நயன்தாராவா இது..? ஹாலிவுட் ஹீரோயின் போல் மாறி லேடி சூப்பர்ஸ்டார் நடத்திய பிளெடி ஸ்வீட் போட்டோஷூட்
சப்தம் படத்தின் ரிலீஸ் பணிகள் ஒருபக்கம் மும்முரமாக நடைபெற்று வரும் நிலையில், நடிகர் ஆதி தன்னுடைய காதல் மனைவி நிக்கி கல்ராணி உடன் ஜாலியாக சுற்றுலா சென்றிருக்கிறார். தாய்லாந்துக்கு சென்றுள்ள அவர்கள் இருவரும் அங்குள்ள சுற்றுலாத் தளங்களை சுற்றிப்பார்த்தபோது எடுத்த புகைப்படங்களை வெளியிட்டு உள்ளனர். அந்த புகைப்படங்கள் ட்விட்டர், இன்ஸ்டாகிராம் போன்ற சமூக வலைதளங்களில் செம்ம வைரலாகி வருகிறது.
குறிப்பாக அங்குள்ள பார்க் ஒன்றில் யானைகளுடன் நடிகை நிக்கி கல்ராணி கொஞ்சி விளையாடியபோது எடுத்த புகைப்படங்களும், அங்குள்ள குட்டி யானைகளுக்கு அவர் உணவளித்தபோது எடுத்த புகைப்படங்களும் வைரலாகி வருகிறது. அதுமட்டுமின்றி இருவரும் மேட்சிங் மேட்சிங் உடையணிந்தபடி போஸ் கொடுத்த புகைப்படங்களும் வெளியாகி லைக்குகளை அள்ளிக்குவித்து வருகிறது.
இதையும் படியுங்கள்... Shruti Haasan Breakup: புகைப்படங்களை நீக்கி... சாந்தனுவுடனான பிரேக்கப்பை உறுதி செய்தாரா ஸ்ருதிஹாசன்?