லெமன் க்ரீன் கலர் புடவையில் சிம்பிள் லுக்.. தாதா சாஹேப் விருது வழங்கும் விழாவில் ஜொலிக்கும் நயன்தாரா..
தாதா சாஹேப் விருது வழங்கும் நிகழ்ச்சியில் நயன்தாரா சிறந்த நடிகைக்கான விருது வாங்கிய புகைப்படங்கள் இணையத்தில் வைரலாகி வருகின்றன.
Dadasaheb Phalke Award 2024
லேடி சூப்பர் ஸ்டார் என்று அழைக்கப்படும் நயன்தாரா தமிழில் ஐயா படத்தின் மூலம் அறிமுகமான நயன்தாரா தமிழ், தெலுங்கு, மலையாளம் என பல மொழிகளில் 80-க்கும் மேற்பட்ட படங்களில் நடித்துள்ளார். மேலும் ஜவான் படத்தின் மூலம் பாலிவுட்டிலும் அறிமுகமாகி உள்ளார். நாட்டின் அதிக சம்பளம் வாங்கும் நடிகைகளில் ஒருவராகவும் நயன்தாரா இருக்கிறார்.
Nayanthara
ரஜினி, விஜய், அஜித், சூர்யா, விக்ரம், தனுஷ், ஜெயம் ரவி சிவகார்த்திகேயன் என தமிழ் சினிமாவின் முன்னணி நடிகர்களுக்கு ஜோடியாக நயன்தாரா நடித்துள்ளார். இதே போல் மற்ற மொழிகளிலும் பல உச்ச நட்சத்திரங்களுடன் நயன்தாரா ஜோடி சேர்ந்துள்ளார்.
நயன்தாரா கடைசியாக அன்னப்பூரணி படத்தில் நடித்திருந்தார். அவரின் 75-வது படமாக வெளியான படத்திற்கு போதிய வரவேற்பு கிடைக்கவில்லை. தற்போது மண்ணாங்கட்டி என்ற படத்திலும் டெஸ்ட் என்ற படத்திலும் நயன்தாரா நடித்து வருகிறார்.
இந்த நிலையில் தாதாசாகேப் பால்கே சர்வதேச திரைப்பட விழா விருதுகள் 2024 மும்பையில் நேற்று மாலை நடைபெற்றது. இந்த மாபெரும் விருது வழங்கும் விழாவில் ஷாருக்கான், ராணி முகர்ஜி, கரீனா கபூர், விக்ராந்த் மாஸ்ஸி, நயன்தாரா, ஷாஹித் கபூர், ஆதித்யா ராய் கபூர், சந்தீப் ரெட்டி வங்கா உள்ளிட்ட பல பிரபலங்கள் கலந்து கொண்டனர்.
மேலும் ஷாருக்கான், ராணி முகர்ஜி, சந்தீப் ரெட்டி வங்கா, நயன்தாரா ஆகியோர் முக்கிய விருதுகளை பெற்றுள்ளனர். ஜவான் படத்திற்காக சிறந்த நடிகருக்கான விருதை ஷாருக்கான் பெற்றார்.
சிறந்த நடிகைக்கான விருதை முறையே திருமதி சாட்டர்ஜி Vs நார்வே மற்றும் ஜவான் படத்திற்காக ராணி முகர்ஜியும், நயன்தாராவும் பகிர்ந்து கொண்டனர். இந்த விழாவில் நயன்தாரா கலந்து கொண்ட போட்டோஸ் இணையத்தில் வைரலாகி வருகிறது. அனிமல் படத்திற்காக சந்தீப் ரெட்டி வங்காவுக்கு சிறந்த இயக்குனருக்கான விருது வழங்கப்பட்டது. சிறந்த வில்லன் நடிகருக்கான விருது அனிமல் படத்திற்காக பாபி தியோலுக்கு வழங்கப்பட்டது.
கடந்த ஆண்டு செப்டம்பரில் திரையரங்குகளில் வெளிவந்த ஜவான், உலகம் முழுவதும் பாக்ஸ் ஆபிஸில் ₹1000 கோடிக்கு மேல் வசூல் செய்து சாதனை படைத்தது. அட்லீ இயக்கிய இப்படத்தில் ஷாருக், நயன்தாரா, சன்யா மல்ஹோத்ரா, பிரியாமணி, தீபிகா படுகோன் மற்றும் சஞ்சய் தத் உள்ளிட்ட பலர் நடித்தனர். நயன்தாரா ஹிந்தியில் அறிமுகமான முதல் படம் ஜவான் தான் என்பது குறிப்பிடத்தக்கது.