Keerthy Suresh: விமானம் தாமதம் ஆகும் போது... விமான நிலையத்தில் நேரத்தை கடத்த டிப்ஸ் கொடுத்த கீர்த்தி சுரேஷ்!
நடிகை கீர்த்தி சுரேஷ், விமானம் தாமதமாகும்போது விமான நிலையத்தில் எப்படி நேரத்தை கடத்தலாம் என டிப்ஸ்களை பகிர்ந்து கொண்டு ஆச்சர்யப்படுத்தியுள்ளார்.
keerthy suresh
தேசிய விருது பெற்ற நடிகை கீர்த்தி சுரேஷ், அடிக்கடி ரசிகர்களை கவரும் விதத்தில், புகைப்படங்கள் மற்றும் வீடியோக்களை வெளியிட்டு வருவதை பார்க்க முடிகிறது. அந்த வகையில் சமீபத்தில் தனது இன்ஸ்டாகிராமில் விமானம் தாமதமாகும்போது, விமான நிலையத்தில் நேரத்தை எப்படி கடத்துவது? என்பது குறித்து ஒரு இன்ஸ்டாகிராம் ஸ்டோரியை பதிவிட்டிருந்தார்.
கீர்த்தி சுரேஷ் கொச்சி விமான நிலையத்தில், உள்ள பாத்ரூமில் தனது ரசிகர்களுக்காக இந்த வீடியோவை எடுத்து வெளியிட்டிருந்தார். இது ஒரு பூமராங் வீடியோ ஆகும். அதில் அவர் தன்னுடைய அழகான நகங்களை ரசிகர்களுக்கு காட்டினார்.
இந்த வீடியோவில் கீர்த்தி ஊதா நிறத்தில், மிகவும் ஸ்டைலான உடையை அணிந்திருந்தார். மேலும் மிதமான மேக்கப்புடன் அழகு தேவதை போல் ஜொலித்தார். அதிலும் கீர்த்தியின் அந்த மாடர்ன் சன் கிளாஸ் இவரின் அழகை மெருகேற்றி காட்டியது. இந்த வீடியோ மூலம் உங்களை நீங்களே அதிகம் நேசிக்க வேண்டும் என சொல்லி இருந்தார். இந்த குறிப்பிட்ட வீடியோ கீர்த்தியின் ரசிகர்கள் மத்தியில் அதிகம் பார்க்கப்பட்டது குறிப்பிடத்தக்கது.
Keerthy suresh
தென்னிந்திய மொழிகளில் நிலையான இடத்தை பிடித்துவிட்ட கீர்த்தி சுரேஷ், அடுத்ததாக தன்னுடைய பாலிவுட் அறிமுகத்திற்கும் தயாராகி உள்ளார். வருண் தவானுக்கு ஜோடியாக தற்போது ஒரு படத்தில் நடித்து வருகிறார். வருண் தவானின் 18 படமாக இப்படம் உருவாகி வருகிறது. ஆக்ஷன் எண்டெர்டெயினராக உருவாகும் இந்த படத்தில், கீர்த்தி கவர்ச்சிகரமான வேடத்தில் நடிக்க உள்ளதாக கூறப்படுகிறது.
பெருமிதம் கொள்கிறேன்!! விஜயதசமி நாளில்... FEMI9 எனும் புதிய தொழிலை பெண்களுக்காக துவங்கிய நயன்தாரா!
அதே போல் மற்றொரு பாலிவுட் படத்திலும் கீர்த்தி சுரேஷ் கமிட் ஆகியுள்ள நிலையில், விரைவில் இப்படம் குறித்த அறிவிப்பு வெளியாகும் என தெரிகிறது. மேலும் தமிழில் இவர் கதையின் நாயகியாக நடித்துள்ள ரகு தாத்தா, ரிவால்வர் ரீட்டா, போன்ற படங்கள் அடுத்தடுத்து ரிலீசுக்கு தயாராகியுள்ளது குறிப்பிடத்தக்து.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D