"அடுத்த வருஷமும் என் ராஜ்ஜியம் தான்".. படங்களை அடுக்கும் "நடிப்பு அரக்கன்" - S.J. சூர்யாவின் 2024 லிஸ்ட் இதோ!

இயக்குனர் கனவோடு தமிழ் திரை உலகில் பயணிக்க துவங்கிய எஸ்.ஜே சூர்யா பல தடைகளை கடந்து, சுமார் 11 வருட போராட்டத்திற்குப் பிறகு 1999 ஆம் ஆண்டு வெளியான தல அஜித் அவர்களுடைய "வாலி" என்கின்ற திரைப்படத்தின் மூலம் தமிழ் திரை உலகில் இயக்குனராக களம் இறங்கினார். பல நல்ல திரைப்படங்களை இயக்கியுள்ள எஸ்.ஜே சூர்யா கடந்த சில ஆண்டுகளாக இயக்கத்தை காட்டிலும் அதிக அளவில் நடிப்பில் கவனத்தை செலுத்தி வருகிறார்.

இயக்குனர் அவதாரம் எடுக்கும் ரசிகர்.. அவர் ஆசையை நிறைவேற்றிய தனுஷ் - நச்சுனு ஒரு பாட்டு வந்துகிட்டே இருக்கு!

இந்த 2023 ஆம் ஆண்டு பல வெற்றி திரைப்படங்கள் அவருடைய நடிப்பில் வெளியான நிலையில் எதிர்வரும் 2024 ஆம் ஆண்டும் பல திரைப்படங்கள் அவருடைய நடிப்பில் வெளியாக உள்ளது. அதிலும் குறிப்பாக ஷங்கர் இயக்கத்தில் உலகநாயகன் கமல்ஹாசன் அவர்களுடன் முதல் முறையாக எஸ்.ஜே சூர்யா இந்தியன் 2 திரைப்படத்தில் இணைகின்றார்.

மேலும் தற்பொழுது தனுஷ் அவர்கள் இரண்டாவது முறையாக தானே இயக்கி நடித்து வரும் அவருடைய ஐம்பதாவது திரைப்படத்திலும் ஒரு முக்கிய கதாபாத்திரம் ஏற்று நடத்து வருகிறார் எஸ்.ஜே சூர்யா. இது நடிகர் தனுஷ் அவர்களுடன் நடிகர் சூர்யா இணையும் முதல் திரைப்படம் என்பதும் குறிப்பிடத்தக்கது.

அண்மையில் இயக்குனர் பிரதீப் ரங்கநாதன் முன்னணி கதாபாத்திரம் ஏற்று நடிக்க உள்ள ஒரு திரைப்படத்தை பிரபல இயக்குனர் விக்னேஷ் சிவன் இயக்கு உள்ளதாக தகவல்கள் வெளியானது. அந்த திரைப்படத்திற்கு LIC என்கின்ற பெயர் வைக்கப்பட்டுள்ளதாகவும் தகவல் வெளியானது. தற்போது அந்த திரைப்படம் உருவாகுவது உறுதியாகியுள்ள நிலையில் அந்த திரைப்படத்திலும் எஸ்.ஜே சூர்யா நடிக்கவுள்ளார்.

நெல்சன் திலிப் குமாரின் ஜெய்லர் திரைப்பட வெற்றியைத் தொடர்ந்து அவருடைய உதவி இயக்குனர் சிவபாலன் இயக்கத்தில் உருவாகவுள்ள புதிய படத்தை நெல்சன் தயாரிக்க உள்ளார். அந்த திரைப்படத்தில் பிரபல நடிகர் கவின் நடிக்க உள்ள நிலையில் அந்த திரைப்படத்திலும் எஸ்.ஜே சூர்யா அவர்கள் நடிக்க உள்ளார் என்ற தகவல் வெளியாகியுள்ளது. 

தமிழில் பல படங்களில் நடிக்க ஒப்பந்தமாகியுள்ள எஸ்.ஜே சூர்யா, இந்தியன் 2 படத்தோடு இணைந்து தெலுங்கில் நடிகர் ராம்சரண் அவர்களை வைத்து இயக்குனர் சங்கர் இயக்கி வரும் "கேம் சேஞ்சர்" என்கின்ற திரைப்படத்திலும் ஒரு முக்கிய கதாபாத்திரம் ஏற்று நடித்து வருவதாக கூறப்படுகிறது. ஆகவே 2024 ஆம் ஆண்டில் பல திரைப்படங்கள் எஸ்.ஜே சூர்யா அவர்களுடைய நடிப்பில் உருவாக உள்ளது குறிப்பிடத்தக்கது.

ஏசியாநெட் தமிழ் செய்திகளைஉடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.